Ba é an comhlacht teileachumarsáide, Eir, an comhlacht a ndearnadh an líon is mó gearán fúthu ó chustaiméirí, faoi ghnó in Éirinn an bhliain seo caite, dar le tuarascáil nua do thomhaltóirí (consumers).
Luadh Eir i 546 teagmháil le líne chabhrach (helpline) an Choimisiúin um Iomaíocht agus Cosaint Tomhaltóirí (Competition and Consumer Protection Commission, CCPC) anuraidh, agus bhí sé sin níos mó uaireanta ná aon ghnólacht eile.
Ina dhiaidh sin bhí an aerlíne Ryanair (515), an miondíoltóir leictreonaic Currys (458), an soláthraí leathanbhanda Vodafone (453), agus Harvey Norman (423).
Tháinig méadú 20% freisin ar líon na ngearán chuig an CCPC anuraidh, agus chuaigh 39,172 tomhaltóir i dteagmháil leis an líne chabhrach chun gearán a dhéanamh.
Bhí fadhbanna le hearraí agus seirbhísí lochtacha ar bharr liosta na gceisteanna agus na ngearán ó thomhaltóirí i 2023.
Sholáthair an CCPC míniú freisin ar na tionscail ar dócha go ndéanfadh daoine gearán fúthu.
Feithiclí & iompar (4,501 teagmhálaí) a bhí ar bharr an liosta, agus ina dhiaidh sin bhí teileachumarsáid (2,559), tógáil agus feabhsúcháin tí (2,229), laethanta saoire agus taisteal (2,019), agus ansin éadaí, coisbhirt (footwear) agus oiriúintí (accessories) (1,886).
Dúirt an CCPC gur atreoraíodh 8,731 tomhaltóir chuig cúirt na n-éileamh beag (Small Claims Court), lena n-áirítear níos mó ná míle duine a raibh fadhbanna acu le fearais tí (domestic appliances).
Dúirt Gráinne Griffin ón CCPC: ‘Cibé an bhfuil tú ag ceannach T-léine, ag clárú le haghaidh seirbhís sruthaithe (streaming services) nó ag fáil gluaisteán ar cíos, tá cearta agat mar thomhaltóir.
‘Tá na cearta sin níos láidre agus maireann siad níos faide ná mar a bhíonn súil ag go leor daoine.
‘Bíodh do chearta ar eolas agat, déan teagmháil leis an díoltóir agus ní leis an monaróir (manufacturer), déan gearán i scríbhinn, agus mura bhfuil tú cinnte, cuir glaoch orainn,’ a dúirt sí.
Léiríodh sa tuarascáil freisin gur bhain beagnach leathmhilliún duine (445,492) úsáid as Uirlis Chomparáide Morgáiste ar líne an CCPC, a ligeann d’úsáideoirí comparáid a dhéanamh idir rátaí, aisíocaíochtaí agus táillí atá cothrom le dáta thar raon de mhorgáistí atá ar fáil.
An mhí seo caite, rinne an CCPC suirbhé ar 4,537 duine, ag iarraidh orthu fadhbanna a chosnaíonn airgead dóibh, a chuir strus orthu, nó a ghlac lena gcuid ama le 12 mhí anuas a thabhairt chun cuimhne.
Díobh siúd a ndearnadh suirbhé orthu, thuairiscigh 39% go raibh fadhbanna acu.
As an 39% sin, thuairiscigh 81% go raibh an fhadhb measartha faoi strus, chaith 62% roinnt ama oibre ag réiteach na faidhbe, agus bhí fadhb fós ag 10% níos mó ná sé mhí ina dhiaidh sin.
B’ionann an caillteanas airgeadais measta do thomhaltóirí dá gcuid fadhbanna is tromchúisí agus €968 milliún.
Fuarthas amach sa suirbhé freisin nuair a rinne tomhaltóirí teagmháil leis an trádálaí faoin bhfadhb, gur réitigh duine as gach ochtar í i níos lú ná lá, agus duine as gach triúr i níos lú ná seachtain.
Dúirt Brian McHugh, cathaoirleach an CCPC: ‘Úsáidfimid na huirlisí go léir atá ar fáil dúinn chun tomhaltóirí a chosaint agus a chumhachtú.
‘Ciallaíonn dlíthe nua agus níos mó acmhainní gur féidir linn cigireachtaí a mhéadú, forfheidhmiú a mhéadú agus ar deireadh thiar airgead, am agus strus a shábháil ar thomhaltóirí.’
Dúirt urlabhraí ar son Eir: ‘Tá infheistíocht mhór déanta ag Eir i bhfeabhsú suntasach ar ár seirbhís do chustaiméirí, rud a d’fhág gur tháinig laghdú 80% ar ghearáin le cúig bliana anuas, mar a thaifead ComReg.’
Dúirt urlabhraí do Vodafone: ‘Tá Vodafone Ireland dírithe ar ár seirbhísí a fheabhsú agus is oth go mór an tionchar ar dhaoine aonair nuair a thagann fadhbanna chun cinn.
‘Tá cur chuige struchtúrtha againn maidir le réiteach a fháil ar shaincheisteanna taithí an chustaiméara agus úsáidfimid na gearáin sin chuig an CCPC sa phróiseas sin.’
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
