Déanann cuideachtaí agus an Rialtas brabúis – agus íocann custaiméirí an iomarca i gcostais fuinnimh

Tá laghdú 78% tagtha ar chostas mórdhíola breosla ó Lúnasa 2022 ach níor tháinig laghdú ach 25% ar phraghsanna fuinnimh na gcustaiméirí

Tá laghdú beagnach 47% tagtha ar phraghsanna mórdhíola fuinnimh in aghaidh na bliana, agus laghdú 78% orthu ó bhí siad ab airde i mí Lúnasa 2022.

Ach tá praghsanna do thomhaltóirí (consumers) tar éis titim ach 20% go 25%. Tá Michael sé ráite ag Kilcoyne, cathaoirleach Chomhlachas Tomhaltóirí na hÉireann ( Consumers’ Association of Ireland), go bhfuil soláthraithe leictreachais agus an Rialtas ag déanamh an iomarca airgid agus teaghlaigh ag íoc an iomarca.

‘Tá an tionscal agus an Rialtas, le ‘VAT’ agus íocaíochtaí eile ar leictreachas, ag caitheamh linn  amhail is gur amadáin muid. Tá tomhaltóirí ag íoc an iomarca,’ a dúirt sé.

Léiríonn figiúirí mórdhíola a chuir an Phríomh-Oifig Staidrimh (Central Statistics Office, CSO) ar fáil gur thit praghsanna fuinnimh 15% le linn mhí Feabhra amháin.

Dúirt Daragh Cassidy, ceannaire cumarsáide ag an suíomh Gréasáin Bonkers.ie, gur thóg sé go leor ama le haghaidh laghduithe praghais ar mhargaí mórdhíola chun tacú le billí níos ísle do chustaiméirí.

Ach dúirt sé freisin nach bhfuil sna praghsanna mórdhíola ach thart ar leath de chostas deiridh an leictreachais do theaghlaigh.

Ní mór cáin an Rialtais a íoc, agus tá an costas a bhaineann le leictreachas a dháileadh ar thithe daoine ann freisin, a dúirt sé.

Chomh maith le sin ní mór costais soláthraithe agus brabúis a chur san áireamh freisin, a dúirt sé.

‘Má fhanann praghsanna mórdhíola gar don áit ina bhfuil siad, is mór an seans go bhfeicfimid babhta eile de chiorruithe praghais sa dara leath den bhliain, idir 10% agus 20%,’ a dúirt sé.

‘Tagann sé seo tar éis ciorruithe praghais le sé mhí anuas as ar tháinig laghdú thart ar 20% go 25% ar bhillí leictreachais.’

Mar sin féin, thug an tUasal Cassidy rabhadh do chustaiméirí gan a bheith ró-dhóchasach.

Dúirt sé: ‘Mar sin féin, fiú tar éis an tríú ciorrú praghais seo –ag glacadh leis go dtarlaíonn sé –beidh praghsanna leictreachais fós thart ar 50% go 60% níos airde ná mar a measadh, go dtí le déanaí, atá na gnáthleibhéil.

‘Mar sin, cé go bhfuil an chuid is measa den ghéarchéim fuinnimh imithe i léig, tá muid fós i bhfad ó fhilleadh ar an “normáltacht”, cibé cuma a bheidh air,’ a dúirt sé.

Scéalta Gaeilge ExtraG.ie
ar fáil ar ríomhphost (email)

• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com

• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.

• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie

Cliceáil ar cheann de na lógónna chun an stáisiún teilifíse agus na stáisiúin raidió Gaeilge a fháil