Sábhálfaidh teaghlaigh a fhaigheann a gcuid fuinnimh tí ó Bhord Gáis Energy na céadta euro tar éis dóibh ciorrú (cut) mór ar phraghas a fhógairt.
Agus tá saineolaithe ag súil go bhfeicfimid laghdú eile 10% go 15% i gceann cúpla mí má fhanann praghsanna mórdhíola (wholesale) san áit a bhfuil siad faoi láthair.
Is í an chuideachta an soláthraí fuinnimh is déanaí chun a gcuid praghsanna a ghearradh dá 600,000 custaiméir.
Agus deir siad go dtiocfaidh laghdú €274 ar an meánbhille gáis agus €357 ar an meánbhille leictreachais de bharr na laghduithe.
Mar sin féin, is é seo an chéad uair ag an gcuideachta a praghsanna a laghdú le níos mó ná trí bliana go leith.
Tá an chuideachta chun a rátaí aonaid do tháillí leictreachais agus gáis a laghdú 15.5%.
Thitfidh na táillí seasta don dá bhreosla céatadán comhchosúil freisin.
Tiocfaidh na ciorruithe i bhfeidhm ón 9 Samhain.
Tá níos mó ná 600,000 custaiméir ag Bord Gáis Energy ar fud na tíre.
‘Tá a fhios againn go bhfuil costais fuinnimh an-dúshlánach do chustaiméirí le dhá bhliain anuas. Cé go bhfuil an margadh fuinnimh fós éiginnte, táimid sásta a bheith in ann na laghduithe seo a chur ar aghaidh chuig ár gcustaiméirí inniu,’ a dúirt Dave Kirwan, Stiúrthóir Bainistíochta Bhord Gáis Energy.
Tagann an t-aistriú seo i ndiaidh laghduithe comhchosúla ó sholáthraithe fuinnimh eile le seachtainí beaga anuas, de réir mar a chuirtear laghduithe ar chostas mórdhíola (wholesale) fuinnimh ar aghaidh chuig custaiméirí.
Mar sin féin, tá praghsanna fuinnimh fós an-ardaithe i gcomparáid le leibhéil chogaidh Úcráin.
Sheol Bord Gáis Energy caillteanas oibriúcháin (operating loss) de €30 milliún le déanaí mar thoradh ar chostais fuinnimh níos airde dóibh le linn na chéad sé mhí den bhliain.
Tá Ciste Tacaíochta Fuinnimh (Energy Support Fund) ag an gcuideachta a bhfuil €5.2 milliún tugtha amach aige do chustaiméirí leochaileacha (vulnerable) agus mhéadaigh sé freisin a fhoireann cúram custaiméirí chun cabhrú leo siúd a bhfuil deacrachtaí acu a gcuid billí a íoc.
Mar sin féin, i mí Dheireadh Fómhair seo caite d’ardaigh Bord Gáis a phraghsanna fuinnimh de bheagnach 50%. Agus i mí Aibreáin na bliana seo caite, d’ardaigh sé a phraghsanna leictreachais de bheagnach 30% agus a phraghsanna gáis níos mó ná 40%.
Dúirt Daragh Cassidy, Ceannaire Cumarsáide bonkers.ie, go rabhthas ag súil le ciorruithe mar gheall ar thitim praghais le déanaí ag príomhiomaitheoirí (main competitors) Bhord Gáis ar fad le seachtainí beaga anuas.
‘Is maith an rud é a fheiceáil freisin go bhfuil a tháillí seasta gearrtha ag Bord Gáis. Mhéadaigh na soláthróirí ar fad iad seo go mór le linn na géarchéime.
‘Ní féidir le duine ar bith iad a sheachaint, is cuma cé chomh beag fuinnimh a úsáideann siad, agus mar sin is maith an rud é Bord Gáis a fheiceáil ag tosú ar chuid de na harduithe roimhe seo a aisiompú,’ a dúirt an tUasal Cassidy.
Ach thug sé le fios freisin, fiú tar éis an laghdú seo, go bhfanann praghsanna Bhord Gáis thart ar dhá oiread agus a bhí siad in 2020 roimh Covid agus roimh an gcogadh san Úcráin.
‘Tá sé fós le feiceáil an bhfeicfimid tuilleadh laghduithe ar phraghsanna ó Bhord Gáis sna seachtainí amach romhainn i bhfianaise cé chomh hard is atá praghsanna mórdhíola,’ a dúirt an tUasal Cassidy.
‘Sílim go bhfeicfimid laghdú eile 10% go 15% i gceann cúpla mí má fhanann praghsanna mórdhíola san áit a bhfuil siad faoi láthair,’ a dúirt sé.
‘Is cosúil go bhfuil buaic na géarchéime fuinnimh imithe thart. Ach táimid fós i bhfad ó fhilleadh ar an normáltacht,’ a dúirt sé.
• Más mian leat ríomhphost (email) a fháil leis na scéalta is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
