Tógadh an tUachtarán Ó hUiginn, 82, chuig ospidéal áitiúil in otharcharr Déardaoin tar éis do pharaimhíochaineoirí (paramedics) measúnú a dhéanamh air.
I ráiteas a eisíodh oíche Déardaoin, dúirt Áras an Uachtaráin go ndearnadh measúnú air ar dtús san Áras nuair ‘nár aithníodh aon imní láithreach ach go ndearnadh cinneadh dul ar aghaidh go dtí an t-ospidéal chun tástálacha a dhéanamh, agus bhí na torthaí tosaigh dearfach.
‘Tá an tUachtarán, a fhanfaidh san ospidéal thar oíche, i ndea-spiorad agus ghabh sé buíochas leis an bhfoireann leighis as an gcúram a fuair sé,’ a dúradh sa ráiteas, a eisíodh tráthnóna Déardaoin.
D’fhreastail an tUachtarán Ó hUiginn ar go leor imeachtaí an tseachtain seo.
Bhronn sé an gradam Volta Lifetime Achievement ar Steve McQueen ag Féile Scannán Bhaile Átha Cliath.
Bhí an tUachtarán Ó hUiginn i bhfeighil ar athmhaoiniú An Bórd Scannáin mar Aire Ealaíon, Cultúir agus Gaeltachta, chomh maith le bunú TG4.
Oíche Dé Máirt d’fhreastail an tUachtarán Ó hUiginn ar Ghradaim Folk Bliantúla RTÉ ar Shráid an Bhiocáire (Vicar Street), Baile Átha Cliath.
Bhí roinnt cruinnithe aige freisin le taidhleoirí eachtracha in Áras an Uachtaráin.
Is leantóir díograiseach sacair é an tUachtarán agus leantóir de chuid Galway United agus bhí súil aige freastal ar chluiche ceannais Chorn Uachtarán na mBan an FAI i mBaile Átha Luain (Athlone) Dé Sathairn idir Baile Átha Luain agus Peamont.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
