Gabhadh réalta de chuid an CLG, a bhuaigh Craobh na hÉireann cheana féin, mar gheall ar líomhaintí gur rinne sé ‘ionsaí fíochmhar’ ar bhuachaill 12 bliain d’aois, dar leis an Irish Daily Mail.
Bhí dealrachán (collarbone) briste agus cos briste ag an leanbh chomh maith le ballbhrúnna (bruises) tromchúiseach timpeall ar a chliabhrach (chest) agus ar a dhroim san ionsaí líomhnaithe, a tharla in iarthar na tíre an 5 Deireadh Fómhair anuraidh.
Dúirt foinse amháin: ‘Bainfear siar as go leor daoine ar fud na tíre má tá an fear cúisithe agus ainmnithe maidir leis an gcoir.
‘Beidh ionadh ar dhaoine má fhaigheann siad amach cé hé.’
Tuigtear gur líomhnaíodh go raibh an buachaill ag déanamh treaspás ar réadmhaoin phríobháideach (private property) sular thosaigh sé ag argóint ó bhéal leis an imreoir atá ar scor anois.
Mhéadaigh an argóint ó bhéal go hargóint fhisiciúil agus tá an fear cúisithe as a bheith ag déanamh a bhfuil curtha síos ag foinsí mar ionsaí fisiceach tromchúiseach ar an leanbh.
B’éigean don bhuachaill freastal ar an ospidéal. Ar dtús, ní dhearnadh na gardaí aon imscrúdú oifigiúil mar ní dhearnadh aon ráiteas foirmiúil gearán leis na gardaí.
Mar sin féin, thug foireann an ospidéil fógra faoin ionsaí do ghardaí mar gheall ar nádúr na ngortuithe.
Timpeall seachtain tar éis an ionsaithe, rinne tuismitheoirí an linbh gearán coiriúil agus cuireadh tús le himscrúdú oifigiúil na ngardaí.
Labhair gardaí go neamhfhoirmiúil leis an réalta CLG, a bhfuil aithne mhór air ina cheantar féin agus ar fud na tíre.
Gabhadh é Dé Luain na seachtaine seo. Scaoileadh saor é gan chúiseamh agus tá comhad á ullmhú anois don Stiúrthóir Ionchúiseamh Poiblí (Director of Public Prosecutions, DPP).
Ceann d’éachtaí spóirt atá aige ná bua Chraobh na hÉireann ag leibhéal na sinsear idirchontae.
I ráiteas don Irish Daily Mail, dheimhnigh gardaí go ndearnadh gabháil an tseachtain seo tar éis míonna imscrúduithe.
Dúirt foinsí leis an Irish Daily Mail gur ‘ionsaí fíochmhar’ a bhí san ionsaí.
Dúirt foinse amháin: ‘Is é an rud a tharla ná go raibh an buachaill óg ar mhaoin phríobháideach agus “words were exchanged”.
‘D’éirigh sé pearsanta sa nádúr agus thosaigh an fear aosta ag béicíl ar an leanbh.
‘Lean sé ar aghaidh agus ansin d’fhás sé ina ionsaí fada.’
Dúirt foinse: ‘Tá aithne aige ar an mbuachaill óg agus tá aithne aige ar an teaghlach freisin. Bhí caint faoi seo a choinneáil chiúin ach chinn an teaghlach dul i dteagmháil leis na gardaí a luaithe a bhí a fhios acu an raon iomlán gortaithe a fuair a leanbh.’
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
