Tá Michael Fitzmaurice TD ag dul leis an bpáirtí nua Independent Ireland. Le toghcháin Eorpacha agus áitiúla ag dul ar aghaidh i mbliana agus olltoghchán an bhliain seo chugainn, nó níos luaithe, tá polaiteoirí ag cruthú comhghuaillíochtaí (alliances) nua.
Anois tá Fitzmaurice, a bhí beartaithe aige a pháirtí féin a bhunú, tar éis dul le Michael Collins TD agus Richard O’Donoghue TD, a bhunaigh a bpáirtí féin, Independent Ireland.
Dúirt Fitzmaurice: ‘Bhí sé ar intinn agam páirtí nua a chur ar bun ach thángthas ar an gconclúid: nílimid ag iarraidh go mbeadh scoilt idir daoine leis an bhfís chéanna.
‘Is rómhinic a scarann daoine neamhspleácha agus páirtithe nua isteach i gcampaí deighilte nuair is gá le haontacht, idirphlé agus uaireanta comhréiteach.’
Dúirt Collins go bhfuil siad níos fearr le chéile, ag obair le Fitzmaurice in ionad páirtithe difriúla a bheith ag lorg na vótálaithe céanna.
Dúirt sé go raibh ‘a lán agallamh’ á dhéanamh acu agus go raibh ‘iontas’ orthu faoi líon na ndaoine a ghlac páirt sa phríomhchathair.
‘Tá an fhoireann bheag ach b’fhéidir gurb é sin an rud is fearr,’ a dúirt sé.
Dúirt sé go mbeadh Fitzmaurice ag seasamh don pháirtí sa chéad olltoghchán eile. Dúirt an TD, áfach, go bhféadfadh sé seasamh sna toghcháin Eorpacha.
Nuair a fiafraíodh de an raibh an páirtí ag labhairt le hiarrthóirí a d’fhéadfadh seasamh sna toghcháin Eorpacha, dúirt Collins: ‘Ní nochtfaidh mé cé leis a bhfuil muid ag caint ach déarfaidh mé leat gur ainmneacha móra iad. Tá iarrthóir mór againn, ainm mór i mBaile Átha Cliath.’
Tuigtear go bhfuil iarrthóirí eile ar nós Kevin ‘Boxer’ Moran i mbun cainteanna leo agus tá an páirtí ag labhairt freisin le duine a cheapann siad atá ina iarrthóir ‘an-láidir’ i dTiobraid Árann.
Dúirt Collins go bhfuil sé mar aidhm ag an bpáirtí idir 10 agus 15 suíochán a fháil sa chéad olltoghchán eile.
Tá súil acu 50 suíochán a fháil i dtoghcháin na gcomhairlí áitiúla (local council elections), agus an páirtí ag iontráil iarrthóirí i ngach ceann de na toghcheantair Eorpacha.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
