Tá Uisce Éireann ‘go hiomlán gan úsáid (absolutely useless)’, a dúirt comhairleoirí agus tá a gcuid frustrachais á roinnt acu maidir le bheith ag déileáil leis an gcomhlacht.
Ina theannta sin, chuir iar-Mhéara Chontae Chorcaí, an Comhairleoir Danny Collins, síos rún chun scríobh chuig na ranna rialtais chun deireadh a chur leis an gcomhlacht Uisce Éireann.
Dúirt sé go raibh comhairleoirí i gceantair údaráis áitiúil eile ag ullmhú litreacha le haghaidh rúin den chineál céanna.
Dúirt sé gur cheart seirbhísí uisce a chur ar ais faoi smacht na n-údarás áitiúil.
Is comhairleoir neamhspleách é Danny Collins agus dúirt sé: ‘Nuair a bhí mé i mo mhéara anuraidh bhí cruinniú againn le hoifigigh Uisce Éireann. Bhí imní orainn faoin gcaoi a rabhthas ag caitheamh linn, faoin gcumarsáid leo agus faoi staid ár bpríomhlíonra uisce i go leor bailte agus sráidbhailte ar fud an chontae.
‘Dúirt Uisce Éireann go dtiocfadh feabhas ar chúrsaí ach níl feabhas tagtha orthu. Bhuail mé leis an bhfoireann ar an talamh agus tá frustrachas orthu anois freisin.
‘Dealraíonn sé nach bhfuil aon duine i gceannas. Sin í an fhadhb mhór,’ a dúirt sé
‘Beidh litreacha eile ag dul chuig an roinn ó údaráis áitiúla eile,’ a dúirt sé.
Dúirt comhairleoir Pháirtí an Lucht Oibre Cathal Rasmussen, a thacaigh leis an rún: ‘Ó tháinig Uisce Éireann isteach, chaith muid an-chuid am anseo le deich mbliana anuas ag plé na saincheisteanna go léir le hUisce Éireann.
An bhfuil aon rud feabhsaithe? Tá sé an-deacair téachtar ar rud atá feabhsaithe.’
Thug comhairleoir Fhine Gael Michael Hegarty cuntas freisin ar a chuid frustrachas faoi Uisce Éireann. ‘Dúirt mé nuair a bhí Uisce Éireann á chur ar bun, go mbeadh sé níos measa ná an Fheidhmeannacht na Seirbhíse Sláinte (an HSE). Níor tháinig feabhas ar chúrsaí cumarsáide.’
Agus tá fearg ar chomhairleoirí Chontae na Gaillimhe faoin easpa cumarsáide faoi uisce ar fud an chontae, rud atá ‘scannalach’.
Ardaíodh an cheist ag cruinniú de Chomhairle Chontae na Gaillimhe an tseachtain seo – i dtosach báire mar gheall ar fhadhbanna sa Cheathrú Rua (Carraroe). Dúirt comhairleoirí go raibh easpa cumarsáide iomlán ann.
D’aontaigh comhairleoirí eile ar fud an chontae ansin agus labhair siad faoina frustrachas ag iarraidh freagraí a fháil ar son na dtoghthóirí (constituents).
Dúirt Comhairleoir Bhéal Átha na Sluaighe (Ballinasloe) Declan Geraghty go raibh Uisce Éireann ‘go hiomlán gan úsáid ((absolutely useless)’ agus ar an ‘quango is mó riamh’.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
