Tabharfaidh an tAire Ardoideachais Simon Harris polasaí nua an Rialtais maidir le lóistín do mhic léinn faoi bhráid na Comh-Aireachta (Cabinet) Dé Máirt, de réir tuarascála ó RTÉ.
Geallann an beartas infheistíocht an Rialtais i dtrí réimse: tógáil tithíochta ar an gcampas do mhic léinn, forbairt réadmhaoine (property) atá folamh agus tréigthe (derilict), agus leanúint le tacaíocht d’úinéirí tí atá ag ligean seomra ar cíos do mhic léinn.
Is í an chéad chéim ná ceadanna pleanála atá faighte cheana féin ag ollscoileanna tríú leibhéal a ghníomhachtú.
Faoi láthair tá sé seo ag tacú le forbairt suas le 1,000 leaba mac léinn ar fud Ollscoil Mhá Nuad, Ollscoil Luimnigh agus Ollscoil na Gaillimhe le maoiniú de €61 milliún ceadaithe ag an Rialtas.
Rachaidh an Roinn i dteagmháil anois leis An Coláiste Ollscoile, Baile Átha Cliath (UCD), a bhfuil cead pleanála acu do 1,254 leaba do mhic léinn, Coláiste na Tríonóide, Baile Átha Cliath, a bhfuil cead 358 leaba acu agus an dara céim ag Ollscoil Chathair, Bhaile Átha Cliath (DCU), a bhfuil cead 830 leaba aici.
Ní mór na leapacha atá maoinithe ag an Stát a chuir ar fáil do mhic léinn a bhfuil ioncam teaghlaigh níos lú ná €100,000 acu ag ráta faoi bhun an mhargaidh.
Mar shampla, má mhaoiníonn an Stát 30% de na leapacha, ní mór na leapacha sin a chuir ar fáil ar ráta laghdaithe do na mic léinn sin. Má mhaoiníonn an Stát 100% de na leapacha, ní mór gach leaba a thairiscint do mhic léinn ar ráta laghdaithe.
Is é an chéad chéim eile ná tithíocht do mhic léinn a thógáil ag baint úsáide as maoiniú Stáit agus foirgnimh fholmha a fhorbairt do mhic léinn.
D’fhéadfaí deontas bliantúil idir €20 milliún agus €40 milliún a chur ar fáil chun cabhrú le hollscoileanna foirgnimh atá folamh a fhorbairt.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
