Agus rabhadh tugtha ag gardaí faoi mhéadú ar phatróil le haghaidh siúd atá ag tiomáint faoi thionchar alcól agus drugaí, thar an Nollaig, tá méadú géar ar líon na dtiománaithe drugaí i gCathair na Gaillimhe i mbliana.
Tháinig líon na mbrath in ainneoin laghdú ar líon na seicphointí tástála, dar le tuairisc sa Connacht Tribune.
Cuireadh tús le Feachtas Forfheidhmithe (Enforcement Campaign) na Nollag agus na hAthbhliana an Gharda Síochána ar 1 Nollaig agus leanfaidh sé ar aghaidh go dtí 5 Eanáir 2024.
Tá Gardaí ag tabhairt foláireamh do dhaoine go mbeidh siad ag socrú seicphointí agus go bhfuil an líon daoine a gabhadh as tiomáint faoi dhrugaí sa Stát go dtí seo i mbliana níos mó ná 2,300 agus gur thart ar 5,000 an líon a gabhadh as tiomáint ar meisce.
Tá sé níos éasca anois freisin tástálacha drugaí cois bóthair a dhéanamh, atá cosúil le tástáil Covid a thugann toradh láithreach dearfach nó diúltach.
Agus i nGaillimh, as an 155 tiománaí a fuarthas a bheith ar meisce, suas go dtí deireadh mhí Dheireadh Fómhair, bhí drugaí ag trian díobh – 55.
Amuigh as sin, tá 244 cás taifeadta ag gardaí i nGaillimh ina raibh drugaí le haghaidh úsáide pearsanta agus 96 teagmhas ina raibh drugaí le dáileadh – sin an líon ab airde le sé bliana.
Tagann na figiúirí i ndiaidh fócas méadaithe ar dhrugaí i nGaillimh.
Ba é luach sráide na ndrugaí ná €557,000.
Idir an dá linn, tá rabhadh tugtha ag gardaí do dhaoine a thugann cuairt ar chairde agus ar ghaolta le linn na Nollag gur minic gur féidir le deoch tí a bheith níos mó ná deoch tithe tábhairne nó bialainne.
Ba chóir go mbeadh daoine ar aon intinn faoi thiomáint an mhaidin dár gcionn tar éis oíche amuigh freisin. Déan cinnte go bhfuil go leor ama caite chun ligean don alcól dul trí do chóras.
• Más mian leat ríomhphost (email) a fháil leis na scéalta is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
