An mbeidh Nollaig Bhain againn? Seo mar a deir Met Éireann

Tá réamhaisnéis na haimsire tugtha ag Met Éireann don Nollaig agus tá an scéal go holc – nó b’fhéidir go maith! Tá sé ag brath ar conas a mhothaíonn tú faoin sneachta agus an fuacht

Beidh formhór na ndaoine ag leanúint réamhaisnéisí aimsire Met Éireann sna laethanta atá fágtha againn go dtí an Nollaig.

Mar sin féin, in ainneoin an aisling a d’fhéadfadh a bheith ag Bing Crosby, níl gach duine ag súil le Nollaig Bhain.

Nuair a bhíonn sneachta ann, bíonn oighear agus frithshneachta ann freisin, agus trácht mall. Agus bíon sé FUAIR!

Fós féin is breá le go leor againn na calóga shneachta a fheiceáil ag titim ón spéir –go háirithe nuair a bhíonn leanaí thart timpeall orainn.

Deir Met Éireann go mbeidh an aimsir níos teo ná mar is gnách an Nollaig seo – mar sin ní bheidh aon sneachta ann. Ceaptar.

Ach tá an scéal níos measa fós dóibh siúd san iarthar ina bhfuiltear ag súil le báisteach throm.

Mar sin féin, dóibh siúd ar mhaith leo an teas, tabharfaidh an tseachtain seo roinnt teasa dúinn ar a laghad, a deir Met Éireann.

Tar éis oíche  Dé Céadaoin scamallach, le báisteach agus ceathanna ar fud na tíre, beidh sé tirim faoi mhaidin Déardaoin.

Cuirfear tús leis an Déardaoin le roinnt ceathanna sula n-imíonn siad chun lá tirim a fhágáil, seachas roinnt ceathanna éadroma.

Beidh sé scamallach, áfach, le cúpla tréimhsí gréine. Beidh an teocht is airde idir 8C agus 11C agus beidh gaoth éadrom aniar ann.

Beidh oíche Déardaoin tirim ach an-scamallach, le cúpla ceathanna éadrom i gcontaetha an iarthair thar oíche. Beidh sé geall agus beidh an teocht is ísle idir 3C agus 6C.

Beidh an Aoine tirim, ach beidh sé scamallach ar fud na tíre freisin le roinnt báisteach éadrom i gcontaetha an iarthair. Beidh sé rud beag gaoithe freisin, le gaoth aniar san iarnóin. Beidh an teocht is airde idir 10C agus 12C.

Scéalta ExtraG.ie ó Luan go hAoine

• Más mian leat ríomhphost (email) a fháil leis na scéalta is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com

• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.