B’éigean do láithreoir nuachta de chuid an BBC leithscéal a ghabháil tar éis di go leor lucht féachana a bheith ag magadh fúithi lena gníomh drochbhéasach ag tús craolta nuachta.
I ráiteas, dúirt an Príomh-Láithreoir Maryam Moshiri go raibh sí ‘ag pleidhcíocht beagán’ lena comhghleacaithe agus ‘nár thuig sí’ go mbeadh sí gafa ar an gceamara.
Ag tús an chraolacháin nuachta bhí Maryam le feiceáil ag ardú a méar láir (middle finger) sular tharraing sí anuas go tapa í.
Agus í ag tabhairt chuig X (Twitter), dúirt sí: ‘Haigh gach duine, inné díreach roimh dheireadh na huaire bhí mé ag magadh beagán leis an bhfoireann sa ghailearaí.
‘Bhí mé ag ligean orm bheith ag comhaireamh síos mar bhí an stiúrthóir ag comhaireamh síos mé ó 10-0… na méara san áireamh leis an uimhir a thaispeáint. Mar sin, ó 10 mhéar coinnithe suas go dtí ceann amháin.’
Mhínigh sí nuair a shroich sí 1 gur chas sí a méar timpeall mar jóc, gan a thuiscint go mbeadh sí gafa ar an gceamara.
‘Jóc príobháideach a bhí ann leis an bhfoireann agus tá brón orm gur chuaigh sé amach ar an aer,’ a dúirt sí.
‘Ní raibh sé ar intinn agam go dtarlódh sé seo agus tá brón orm má chuir sé isteach ar aon duine,’ a scríobh sí.
Dúirt sí: ‘Magadh amaideach a bhí ann a bhí i gceist do líon beag de mo chairde.’
Ghlac úsáideoirí na meán sóisialta leis sin agus bhí siad ag iarraidh Maryam a chur ar a suaimhneas, ag rá go raibh siad buíoch as an gáire a thug an botún dóibh, agus fiú bhí Specsavers ag fáil an deis tagairt a dhéanamh de.
Sheol an chuideachta post: ‘Tá muid in éineacht leat, a Maryam. Má tá deacracht agat an comhaireamh síos a fheiceáil, bí i dteagmháil linn.’
Dúirt duine eile: ‘Ceapaim nach bhfuil fadhb ar bith leis… tá sé greannmhar. Ní dóigh liom go bhfuil gá le leithscéal. Go raibh maith agat as an meme mar sin féin.’
Dúirt an tríú duine: ‘Saol fiáin ina mairimid nuair a chaithfidh tú leithscéal a ghabháil as rud mar seo.’
Agus dúirt an ceathrú duine: ‘Ná bí buartha faoi! Is léir go bhfuil gá le beagán níos mó suime ina saol d’aon duine a bhfuil ag cuir isteach ort as seo.’
• Más mian leat ríomhphost (email) a fháil leis na scéalta is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
