Bhí an fear gnó Ben Dunne, a fuair bás an tseachtain seo caite agus é 74 bliain d’aois, tar éis lear mór airgead gnó agus réadmhaoine (property) de na mílte euro a bhailiú.
Léiríonn taifid (record) chuideachtaí agus réadmhaoine atá ar fáil go poiblí go raibh glansócmhainní comhcheangailte (combined net assets) de bheagán faoi bhun €12m ag gnólachtaí éagsúla an ‘tycoon’ giomnáisiam – ach go ríthábhachtach go raibh siad ag déanamh brabúis bhliantúla na milliúin euro.
Dúirt foinse a bhfuil cur amach acu ar an scéal go bhféadfadh a ghnó pearsanta suas le €36m a thabhairt isteach dá ndíolfaí é mar ghnóthas leantach, tar éis don ghrúpa Dunne brabús €3m a thuairisciú (report) anuraidh.
Chaith an tUasal Dunne agus a bhean chéile, Mary, a saol pósta ar fad ina gcónaí i mbruachbhaile (suburb) iarthar Bhaile Átha Cliath de Chaisleán Cnucha (Castleknock).
Cheannaigh siad 10 n-acra talún ar dtús ar ar thóg siad teach mór teaghlaigh ar a dtugtar Winterwood.
Le blianta beaga anuas bhí an tUasal Dunne ag iarraidh an suíomh 10 n-acra a dhil agus an teach a athfhorbairt mar árasáin. Tá luach measta thart ar €10m ar seo, de réir foinsí.
In 2021 bhog an tUasal Dunne agus Mary suas an bóthar agus cheannaigh siad teach mór ar Bhóthar Chaisleán Cnucha.
Bhí sé seo le bheith mar bhaile deiridh an teaghlaigh roimh bhás an Uasail Dunne i Dubai an mhí seo caite. Tá luach margaidh measta idir €2.5m agus €3m ag réadmhaoin Bhóthar Chaisleán Cnucha.
Léiríonn gníomhais réadmhaoine freisin gurb é Ben Dunne an t-aon úinéir ar an dá réadmhaoin agus nach bhfuil aon mhorgáiste liostaithe ar cheachtar acu.
Dá ndéanfaí luach a ghnó agus a thithe a réadú ar an margadh d’fhéadfadh an t-iomlán a bheith thart ar €49m.
I 1981, fuadaíodh an tUasal Dunne ag an IRA, agus tuairiscí ag an am go n-íocfaí airgead fuascailte agus gur shocraigh Charles Haughey le fear gnó Patrick Gallagher an t-airgead a thabhairt.
Shéan an tUasal Dunne é seo, ag rá: ‘Ní raibh baint ar bith ag Charlie Haughey ná ag Patrick Gallagher leis an airgead fuascailte a bheith á íoc, i mo thuairim, agus is dóigh liom go mbeadh tuairim agam dá mbeadh.’ Cuireadh é i gCaisleán Cnucha an tseachtain seo caite.
• Más mian leat ríomhphost (email) a fháil leis na scéalta is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
