Tá caillteanais ollmhóra ag Conor McGregor ar cheann dá ghnóthaí i mBaile Átha Cliath ó ghlac sé seilbh air in 2020.
Tá beagnach €2 milliún caillte ag teach tábhairne McGregor, The Black Forge Inn, ó d’infheistigh an réalta UFC san ionad trí bliana ó shin.
Thuairiscigh an Black Forge Inn caillteanais de €432,000 anuraidh, de réir chuntais ó a úinéir Jemi Ventures.
In 2021, chuir an teach tábhairne caillteanais de €1.13 milliún suas le srianta ar ghnó mar gheall ar phaindéim an choróinvíris. Idir an dá linn, is ionann a chaillteanais go dtí deireadh na bliana seo caite agus beagnach €1.6 milliún.
Cheannaigh McGregor an teach tábhairne ar níos mó ná €2 mhilliún in 2020 agus tuairiscítear gur chaith sé €1 milliún breise ar athchóiriú.
De réir na gcuntas, bhí luach €4.4 milliún ar an Black Forge Inn ag Jemi Ventures ag deireadh na bliana seo caite.
Idir an dá linn, tháinig laghdú ar an méid a bhí dlite ar iasacht a soláthraíodh don ghnó ó €5.3 milliún go €4.1 milliún ag deireadh 2022.
Mar shin féin, bhunaigh McGregor, 35, an branda ‘Proper No 12 Irish Whisky’ agus rinne sé thart ar €130 milliún de bharr gur dhíol sé sciar tromlaigh sa ghnó le Proximo Spirits.
Tuairiscíodh i mí Aibreáin gur cheannaigh McGregor an Porterhouse Brewery i mBaile Átha Cliath, áit a ghrúdaíonn ceann dá chuideachtaí a Forged Irish Stout.
Rinneadh an branda a ghrúdú den chéad uair in 2020 agus ní raibh sé ar fáil ach ag an Black Forge Inn go dtí an bhliain seo, nuair a seoladh é sa Bhreatain.
Tá punann ollmhór réadmhaoine ag McGregor freisin, agus tá 200 árasán le tógáil i mBaile Átha Cliath ar cheann de na suíomhanna ar leis é.
• Más mian leat ríomhphost (email) a fháil leis na scéalta is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
