Níor shéan Simon Harris aon uaillmhianta ceannaireachta ó Fhine Gael agus dúirt go bhfuil sé ‘buíoch as cineáltas a chomhghleacaithe’ nuair a cuireadh in iúl dó faoin tacaíocht atá aige.
Labhair an tAire Breisoideachais agus Ardoideachais, atá sa Chóiré Theas (South Korea) le haghaidh misean trádála, tar éis tuairiscí sna meáin gur mhaith le roinnt ball d’Fhine Gael é a fheiceáil mar an chéad cheannaire eile ar an bpáirtí.
Chomh maith leis sin tá sé tuairiscithe ag an Irish Daily Mail go measann comhghleacaithe páirtí anois go bhfuil uaillmhianta ceannaireachta Helen McEntee ‘lag’.
I gcodarsnacht leis sin, ghlaogh Aire amháin de chuid Fhine Gael ar an rás ceannaireachta mar ‘rása aon chapall’ i láthair na huaire, agus an tUasal Harris mar phríomh-iomaitheoir.
Dúirt duine eile de chuid an pháirtí: ‘Sílim, má fhéachann tú ar scileanna uileghabhálacha atá aige, go dteastaíonn duine uait atá in ann cumarsáid iomlán a dhéanamh, agus is é sin Simon.’
Dúirt an tUasal Harris: go bhfuil sé féin agus a pháirtí dírithe ar Rialtas maith a bheith ann ar feadh a théarma suas go dtí Feabhra 2025.
Dúirt sé: ‘Ní bheidh an toghchán cosúil le haon toghchán eile ó thaobh iarracht a dhéanamh a chinntiú go gcoinneoimid “populists” amach as rialtais, agus go leanfaimid le rialtas lárnach a dhíríonn ar réitigh agus ní hamháin na fadhbanna.’
Dúirt an tAire Simon Coveney, leascheannaire Fhine Gael a chuaigh san iomaíocht sa cheannaireacht, ach a cailleadh nuair a roghnaigh 59% de na feisirí an tUasal Varadkar, nach bhfuil aon chomórtas ceannaireachta sa pháirtí faoi láthair.
Dúirt sé: ‘Sílim go mbeidh Leo Varadkar mar Thaoiseach i ndiaidh an chéad olltoghcháin eile; sin a theastaíonn uainn, le rialtas láidir le Fine Gael lárnach ina leith, sin an rud atáimid ag ullmhú dó sa chéad olltoghchán eile.’
Tá dúshlán mór roimh Fhine Gael roimh an gcéad vóta náisiúnta eile, le seachtar Teachtaí Dála reatha ag dearbhú nach mbeidh siad ag seasamh.
Cé go bhfuil go leor de na Teachtaí Dála ag druidim le haois scoir, tá daoine eile ar nós Brendan Griffin agus John Paul Phelan ina 40idí agus bheadh go leor daoine ag súil go bhfanfadh siad sa pholaitíocht go ceann i bhfad.
Tá an páirtí ag streachailt freisin sna pobalbhreitheanna, agus an pobalbhreith Red C is déanaí don Business Post ag cur Fine Gael ag 20%, síos pointe amháin.
Agus a dtacaíocht á nascadh le Fianna Fáil, atá ar 15%, síos pointe amháin freisin, is ar éigean a bhriseann siad chun tosaigh ar Shinn Féin atá ar 32%.
• Más mian leat ríomhphost (email) a fháil leis na scéalta is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
