Phléadáil fear Palaistíneach in Gaza, ar saoránach Éireannach é agus ar rugadh a leanaí in Éirinn, ar an Taoiseach Leo Varadkar agus ar an Tánaiste Micheál Martin araon idirghabháil a dhéanamh chun stop a chur leis an bhuamáil.
Bhí Zak Hania ag labhairt ar Prime Time óna theach cónaithe i gcathair Gaza atá scoite amach anois, áit a bhfuil cónaí air lena bhean chéile, Batoul, agus a gclann, Mazen, Ismael, Ahmed agus Nour.
I ngearrthóg mhothúchánach a scannánaíodh as seomra dorcha tar éis don chumhacht a bheith gearrtha d’iarr an tUasal Hania ar Rialtas na hÉireann a dtionchar a úsáid le hUachtarán SAM Joe Biden chun stop a chur leis an gcinedhíothú (genocide).
‘Níl aon áit le dul anois, tá na teorainneacha go léir dúnta. Ba mhaith liom go ndeir an Taoiseach, an Tánaiste, Joe Biden a deir go bhfuil sé Éireannach. Ní dhéanann muintir na hÉireann rudaí mar seo.
‘Is féidir leat glaoch a chur air anois le do thoil agus a rá leis stop a chur leis seo agus sos cogaidh a iarraidh. Táimid ag fáil bháis de réir nóiméid agus nílimid cinnte an bhfanfaimid beo nó nach mbeimid beo.
‘Tá sé seo uafásach, is uafás é seo, cinedhíothú é seo. Táimid tuirseach, táimid ag fáil bháis taobh istigh. Táimid ag fáil bháis de bharr na héagóra, is leor é, is leor an éagóir anois.’
Tá sé ráite ag Iosrael go bhfuil siad ag beartú ionradh talún ar Gaza.
Tar éis dó a bheith ina chónaí in Éirinn ó 1998, tháinig an tUasal Hania – a rugadh in Gaza – ina shaoránach Éireannach sular fhill sé ar a thír dhúchais deich mbliana ó shin.
Oibríonn sé anois mar thaighdeoir agus aistritheoir. Rugadh a cheathrar mac, idir 19 agus 10 mbliana d’aois, in Éirinn.
Dúirt an tUasal Hania, a bhfuil céim mháistreachta aige ó Ollscoil Chathair Bhaile Átha Cliath, roimhe seo go bhfuil ospidéil i nGaza ag streachailt le déileáil le plódú agus ciorruithe leictreachais.
Ag labhairt dó níos luaithe an mhí seo dúirt sé leis an Irish Times: ‘Tá na hospidéil plódaithe, níl an fhoireann in ann déileáil leis na huimhreacha arda … Tá an príomh-stáisiún a sholáthraíonn leictreachas le stopadh inniu.’
• Más mian leat ríomhphost (email) a fháil leis na scéalta is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
