Líomhaintí gur úsáid ‘Ex-CEO’ Abercrombie & Fitch fir le haghaidh imeachtaí gnéis

D’úsáid líonra an-eagraithe ‘middleman’ chun fir óga a aimsiú do na himeachtaí, de réir an BBC

Tá Iar-Phríomhfheidhmeannach (ex-CEO) Abercrombie & Fitch agus a chomhpháirtí Briotanach os comhair líomhaintí faoi shaothrú fir a earcaíodh le haghaidh imeachtaí gnéis, de réir an BBC.

Líomhain imscrúdú de chuid an BBC gur bhain líonra an-eagraithe (highly-organised) úsáid as idirghabhálaí (middleman) chun fir óga a aimsiú le haghaidh na n-imeachtaí ar son Mike Jeffries agus Matthew Smith.

Dúirt ochtar fear leis an BBC gur fhreastail siad ar na himeachtaí seo, agus líomhain cuid acu go ndearnadh dúshaothrú (exploitation) nó mí-úsáid orthu.

Shéan idirghabhálaí (middleman) don Uasal Jeffries agus don Uasal Smith aon éagóir a dhéanamh agus dúirt sé go ndeachaigh fir isteach sna himeachtaí seo ‘agus a súile oscailte go forleathan’.

Dúirt Abercrombie & Fitch (A&F) – ar leis an mbranda Hollister freisin – go raibh ‘uafás agus náire’ air faoin iompar a líomhnaítear, de réir an BBC.

D’iarr beirt iar-ionchúisitheoirí (former prosecutors) de chuid na Stát Aontaithe a rinne athbhreithniú neamhspleách ar dhoiciméid agus ar fhianaise a nocht an BBC go ndéanfaí imscrúdú chun a chinneadh an bhféadfaí cúisimh as gáinneáil gnéis ( sex trafficking) a eagrú.

Faoi dhlí na Stát Aontaithe, bíonn gáinneáil gnéis i gceist le duine fásta a fháil chun taisteal chuig stát nó tír eile chun gnéas a fháil ar airgead trí fhórsa, calaois nó comhéigean ( force, fraud or coercion) a úsáid.

Níos mó ná fiche bliain ó na 1990idí, d’athraigh Mike Jeffries A&F ó chuideachta beag go miondíoltóir déagóirí il-billiún dollar trí ‘sex appeal’ a dhíol, le fir uile-Mheiriceánach gan léine agus cláir fhógraí spreagúla.

Bhí sé ar cheann de na Príomhfheidhmeannaigh is airde pá i Meiriceá tráth, agus ba dhuine conspóideach é a thug aghaidh ar éilimh idirdhealaithe in aghaidh na foirne, imní faoina chostais mhóra agus gearáin faoi thionchar neamhoifigiúil a chomhpháirtí saoil, Matthew Smith, laistigh de A&F.

In 2014, d’éirigh an tUasal Jeffries as a phost tar éis laghdú ar dhíolacháin agus d’fhág sé le pacáiste scoir arbh fhiú thart ar $25 milliún é, de réir comhduithe cuideachta ag an am.

Tá líomhaintí nochta ag an BBC anois gur bhain an mogul faisin dúshaothrú ar fhir fásta óga le haghaidh gnéis ag imeachtaí a d’óstáil sé ina áit chónaithe i Nua-Eabhrac agus in óstáin ar fud an domhain, lena n-áirítear i Londain, i bPáras, sa Veinéis agus i Marrakesh.

abercrombie and firth6
Níl Mike Jeffries le Abercrombie & Fitch a thuilleadh

Mar chuid d’imscrúdú dhá bhliain, labhair an BBC le 12 fhear a chuir síos ar fhreastal nó ar eagrú imeachtaí a bhain le gníomhartha gnéis a reáchtáladh don Uasal Jeffries, 79, agus a chomhpháirtí Briotánach, an tUasal Smith, 60, idir 2009 agus 2015.

Dúirt an t-ochtar fear a d’fhreastail ar na himeachtaí gur fear meánaosta a earcaíodh iad.


Scéalta ExtraG.ie ó Luan go hAoine

• Más mian leat ríomhphost (email) a fháil leis na scéalta is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com

• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.

Comhroinn Anois

You might also like ...

© 2021 – 2024 Extra.ie | DMG Media
exit-upcrosschevron-down linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram