Tá réalta Mad Men Christina Hendricks in Éirinn agus tá roinnt íomhánna roinnte aici ó cheann de na ‘háiteanna is fearr léi ar domhan’ – Ashford Castle.
D’fhan Christina san óstán íocónach Éireannach roimhe seo agus dúirt sí go bhfuil sé mar bhrionglóid a bheith ar ais anseo.
I bpost amháin ag léiriú a tae tráthnóna (afternoon tea), scríobh sí: ‘Tá mé ar ais ag ceann de na háiteanna is fearr liom ar domhan agus ar dtús ar an gclár oibre…. TEA!
‘An béile is fearr liom sa lá. Níos áille fós ná an uair dheireanach, @ashfordcastle tá mo chroí agat. Tá gach rud fíorálainn. Tá Éire spleodrach anseo.’
i bpost eile bhí an t-aisteoir taobh amuigh de ‘falconry school’an óstáin, leis an bhfotheideal: ‘Sílim go bhfuil a fhios agat cad is brí leis seo.’
Dúirt a comhréalta Mad Men, January Jones: ‘Tá a fhios agat go maith conas taitneamh a bhaint as an saol,’ agus scríobh an banna Garbage: ‘Ok this is a whole mood.’
Tháinig Hendricks go hÉirinn timpeall coicíse ó shin, ag roinnt postála: ‘Hello Dublin’.
Cé go bhfuil sí ag baint suilt as í féin, tá sí ag obair i ndáiríre.
Tá sé fógartha go bhfuil Hendricks ag gabháil le tionscadal nua Chris O’Dowd, Small Town, Big Story, atá cruthaithe agus stiúrtha ag an Éireannach.
Tá an tsraith sé pháirt suite i mbaile ficseanúil Drumbán ina bhfuil grúpa ‘misfits’ ar an teorainn idir Éirinn agus saol eile.
Tagann léiriúchán Hollywood go dtí an baile agus cuireann sé spléachadh ar an rún beag atá acu.
Beidh Hentricks i ról Wendy Patterson, ‘cailín áitiúil a rinne go maith di féin agus beidh Paddy Considine, as House of the Dragon, ann mar dhochtúir áitiúil Séamus Proctor.
Tá an tsraith á scannánú i gCill Mhantáin agus i Ros Comáin agus tá sé le seoladh an bhliain seo chugainn.
• Más mian leat ríomhphost (email) a fháil leis na scéalta is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
