Tá an bhean Astrálach atá i gceartlár líomhaintí gur nimhigh sí go marfach iar-thuismitheoirí a céile le beacáin (mushrooms) tar éis labhairt amach faoi.
Tá an milleán á chur ar Erin Patterson, atá 48 bliain d’aois, as bás triúr dá gaolta, agus tá na póilíní ag leanúint ar aghaidh ag fiosrú na n-imeachtaí.
Thug Ms Patterson cuireadh dá hiar-thuismitheoirí chéile (former parents in-law) Gail agus Don Patterson, in éineacht le deirfiúr Gail, Heather Wilkinson, agus a fear céile Ian, le haghaidh lóin ina teach, i réigiún Gippsland i Victoria, ar 29 Iúil.
Fuair triúr den cheathrar aíonna (guests) bás laistigh de laethanta tar éis dóibh an béile sin a ithe.
Tá eagla go bhféadfadh gur ith na híospartaigh an muisiriún caipín atá marfach.
Tá an t-aon aoi (guest) a tháinig slán, an tUasal Wilkinson, i riocht criticiúil ach tá trasphlandú ae (liver) de dhíth air.
Tá iarracht déanta ag roinnt tráchtairí poiblí a rá gur nimhigh Ms Patterson iad d’aon ghnó. Ach níl aon chruthúnas acu.
Agus anois tá a cuntas mionsonraithe (detailed account) féin tugtha ag Erin ar an méid a tharla, i ráiteas do phóilíní Victoria.
Roimhe sin dhiúltaigh sí ráiteas a thabhairt do phóilíní, agus bhí ceannlínte ar fud an domhain mar gheall ar sin.
Ag an am dúirt sí gur eispéireas scanrúil agus imníoch a bheadh ann dá mbeadh uirthi é sin a dhéanamh.
Ina ráiteas, dúirt sí gur úsáid sí roinnt beacán triomaithe (dried mushrooms) ach nach raibh a fhios aici go raibh siad nimhiúil.
‘Is mór an trua dom a cheapadh go mb’fhéidir gur chuir na beacáin seo leis an tinneas a d’fhulaing mo mhuintir,’ a dúirt sí.
‘Ba mhaith liom a rá arís nach raibh cúis ar bith agam na daoine seo a raibh grá agam dóibh a ghortú.’
Cé gur thit na ceithre aíonna go léir tinn leis an rud a cheap siad ar dtús a bhí ina nimhiú bia géar (severe food poisoning), is cosúil gur fágadh Ms Patterson agus a leanaí gan díobháil (unharmed) ón mbéile.
Anois, tá sé ráite aici go raibh sí san ospidéal le pianta boilg tar éis an dinnéir.
‘Tá aiféala mór orm anois gan roinnt ceisteanna a fhreagairt,’ a dúirt sí ina ráiteas do na póilíní.
‘Táim ag iarraidh an taifead a ghlanadh anois mar tá mé éirithe faoi strus tar éis bás mo mhuintire.’
D’admhaigh sí freisin go bhfuair sí réidh le díhiodráititheoir bia (food dehydrator) a fuair na póilíní ag dumpáil áitiúil le linn a gcuid imscrúdaithe an tseachtain seo caite.
Agus d’admhaigh sí go ndúirt sí bréag do na póilíní roimhe seo faoi sin.
Tá sé ráite aici anois go raibh sí ceistithe ag a iar-fhear céile agus go raibh sé ag iarraidh uirthi an ndearna sí nimhiú ar a thuismitheoirí, agus go bhfuair sí réidh leis an díhiodráititheoir bia (food dehydrator) toisc gur bhuail scaoll í (she got in a panic).
Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
Más mian leat ríomhphost (email) a fháil leis na scéalta is fearr ar Extra.ie, ó Luan go hAoine, seol an focal ‘Tá’ chuig joeextragdotie@gmail.com
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
