Pictiúr nua: Meangadh gáire ar Shane agus é ag teacht chuige féin

26/07/2023

Níl Shane MacGowan san aonad dianchúraim a thuilleadh tar éis dó a bheith tugtha ar ais san ospidéal

Tá meangadh gáire ar Shane MacGowan i bpictiúr nua atá curtha ar Twitter ag taispeáint go bhfuil sé ag teacht chuige féin.

Tá sé fós san ospidéal tar éis dó roinnt laethanta a chaitheamh san ICU, a dúirt  a bhean chéile Victoria Mary Clarke.

Shane MacGowan
Shane MacGowan

Bhí sé san ospidéal um Nollaig na bliana seo caite tar éis dó ionfhabhtú tromchúiseach (serious infection) a fháil, ‘viral encephalitis’, a dhéanann at san inchinn (swelling of the brain).

Fuair an t-amhránaí an shingles agus é san ospidéal an uair deireadh, agus bhí air fanacht ann ar feadh seachtaine sular fhill sé ar a bhaile lena bhean chéile.

Tá teachtaireacht dhearfach curtha suas ag Victoria  anois ar Twitter, áfach, ag rá: ‘Ba mhaith liom buíochas a ghabháil le gach duine atá ag seoladh grá agus paidreacha ar son Shane.

‘Tá muid fíor-bhuíoch as agus beannaímid gach duine agaibh agus aon duine in aon áit a bhfuil dúshláin sláinte rompu.’

Dúirt sí le déanaí: ‘Tá Shane fós san ospidéal ach tá ag éirí go maith leis agus tá cúram á thabhairt dó.

Shane MacGowen le Victoria Mary Clarke
Shane MacGowen le Victoria Mary Clarke

‘Níor theastaigh uaim go mbeadh daoine buartha faoi. Tá sé as an ICU agus tá ag éirí go maith leis.’

De réir tuairiscí, tá cóireáil á fháil ag Shane in ospidéal i mBaile Átha Cliath ó dheireadh mhí an Mheithimh.

Tá cathaoir rothaí agus cúramóir lánaimseartha ag teastáil ó Shane, atá 65 bliain d’aois, tar éis dó a pelvis a bhriseadh in 2016 sular bhris sé a ghlúine agus a chuid ligaments a stróiceadh i 2020.

An mhí seo caite dúirt Victoria: Bhí go leor suaiteachta (turbulence) i mo shaol le déanaí agus bhí sé an-mhothúchánach agus scanrúil freisin.

‘Ach le cúpla lá anuas thug mé faoi deara cé go bhfuil go leor eagla ann go bhfuil grá agus tacaíocht ollmhór agus beannachtaí dochreidte ann freisin.

‘Sílim gur féidir lenár n-intinn a bheith an-láidir in aghaidh athrú agus ár saol a chroitheadh ​​agus a atheagrú agus ní mór dúinn a bheith an-mhín agus foighneach linn féin.

‘Is dúshlán é fanacht i láthair le do mhothúcháin. Go raibh maith agat do gach duine a thug tacaíocht dom agus Shane,’ a dúirt sí.


Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.


Nuachtlitir Extrag.ie/Extra.ie Newsletter

Más mian leat ríomhphost (email) a fháil leis na scéalta is fearr ar Extra.ie, ó Luan go hAoine, seol an focal ‘Tá’ chuig joeextragdotie@gmail.com

Comhroinn Anois

You might also like ...

© 2021 – 2024 Extra.ie | DMG Media
exit-upcrosschevron-down linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram