Tá Gardaí ag fiosrú dhá ionsaí i lár chathair Bhaile Átha Cliath a tharla Dé Luain.
Tharla siad seo laethanta tar éis gur fágadh turasóir Meiriceánach ag troid ar feadh a shaoil tar éis ionsaí.
Tharla an chéad ionsaí ar Price’s Lane amach ó Ché Árann, cúpla méadar ó Dhroichead Uí Chonaill.
Tar éis an t-ionsaí seo bhí cóireáil ospidéil ag teastáil ó bhean ina 30í.
Tharla an dara ionsaí amach ó Ché Ormond ar an taobh thuaidh den chathair.
Líomhnaítear gur grúpa déagóirí óga a rinne an t-ionsaí seo agus go raibh iliomad finnéithe súl ann, a deir foinsí.
Tharla an dá ionsaí 800 méadar óna chéile.
Dúirt foinse slándála go n-oireann an dara ionsaí do phatrún grúpa atá ag déanamh ionsaí ar daoine I lár na cathrach thuaidh le breis is bliain, de réir tuairisce san Irish Daily Mail.
Dúirt sé: ‘Tharla an chéad eachtra i solas an lae síos ar Price’s Lane.
‘Ar an drochuair, is réimse é seo ina raibh go leor iompair fhrithshóisialta, go háirithe i measc úsáideoirí drugaí.
‘Bhí roinnt daoine óga agus fear aosta i gceist leis an dara eachtra ar Ché Ormond. D’ionsaigh grúpa daoine óga é.
‘Fuair sé srón fola ach bhí an t-ádh leis nach raibh sé níos measa. Fuair Gardaí glaonna faoi seo agus tá siad ag breathnú air.
‘Is ea an rud céanna i gcónaí – lads gléasta i “hoodies” agus rud éigin a chlúdaíonn a n-aghaidh.
‘Seo mar atá an chathair ar bhonn rialta. Glaotar ar ghardaí an cheantair chuig na cineálacha rudaí seo gach lá ach uaireanta beidh an duine gortaithe tar éis an ceantar a fhágáil.’
Tháinig tuairiscí ar na hionsaithe díreach tar éis don Tánaiste admhaigh go bhfuil codanna den phríomhchathair ‘nach bhfuil sábháilte a bheith ann san oíche’.
Dúirt Micheál Martin go bhfuil imní ann faoi áiteanna áirithe i gcathair Bhaile Átha Cliath ina bhfuil rátaí arda coireachta.
Fágadh turasóir Meiriceánach Stephen Termini i riocht criticiúil nuair a líomhnaítear gur léim grúpa déagóirí air.
Tá buachaill sna déaga cúisithe ó shin i leith an ionsaí sin.
Dúirt Ardmhéara Bhaile Átha Cliath, Daithí de Róiste, gur ‘fhíorfhadhb’ é an líon beag gardaí i gceantair ina bhfuil leibhéil arda coireachta.
Dúirt sé: ‘Feicimid na cásanna seo le seachtainí beaga anuas faoina bhfuil ag tarlú agus tá mé ag rá nach bhfuil sé maith go leor agus tá freagra práinneach ag teastáil uainn chun aghaidh a thabhairt air seo.’
Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
Más mian leat ríomhphost (email) a fháil leis na scéalta is fearr ar Extra.ie, ó Luan go hAoine, seol an focal ‘Tá’ chuig joeextragdotie@gmail.com
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
