Tá bainisteoir na hÉireann Vera Pauw an-dóchasach go mbeidh Denise O’Sullivan in ann imirt in aghaidh na hAstráile i gcéad chluiche Chorn an Domhain ar Déardaoin.
Fuair O’Sullivan drochghortú ar a “shin” le linn an chluiche conspóideach taobh thiar de dhoirse ar Dé hAoine seo caite in aghaidh na Colóime (Colombia).
Chuir an t-ionsaí iachall ar an gcluiche a thréigean (abandon) tar éis 20 nóiméad.
Tugadh an bhean as Corcaigh go dtí ospidéal in aice láimhe le haghaidh scanadh agus bhí sí i mbróg cosanta (protective boot) an deireadh seachtaine ar fad.
Baineadh é sin áfach agus d’fhill captaen North Carolina Courage ar oiliúint éadrom (light training) i bPáirc Meakin Brisbane inné.
Dúirt Pauw go bhfuil an peileadóir, atá 29 bliain d’aois, fós i rás in aghaidh an ama chun an chéad chluiche Corn an Domhain riamh a bhaint amach in Éirinn.
Mar sin féin, tá ag éirí go maith lena téarnamh agus tá fíordhóchas anois go mbeidh sí ag imirt in aghaidh na hAstráile i Sydney.
‘Bhí an “boot” againn chun rudaí a mhaolú, sin é an rud is tábhachtaí,’ a dúirt Pauw. ‘Ní hé toisc nach féidir léi siúl ach chun é a mhaolú.
‘Déanfaimid measúnú ar a seasmhacht agus ansin feicfimid an féidir léi rith.
‘Ach níl a fhios againn fós an dtiocfaidh Déardaoin ró-luath.’
Dúirt an bainisteoir, áfach, go raibh dóchas arda ag an bhfoireann leighis faoi ionchais O’Sullivan cluiche Grúpa B a bhaint amach, a mbeidh os cionn 82,000 lucht féachana ann.
‘Tá dóchas an-mhaith ann agus deir Denise í féin go bhfuil súil an-mhaith aici a bheith ann,’ a dúirt Pauw.
Deir réalta na hAstráile Alanna Kennedy go ndéanann sí comhbhrón le staid O’Sullivan agus go bhfuil súil aici go mbainfidh bean Chorcaí an cluiche amach.
‘Tá súil agam go mbeidh sí ceart go leor, mar níl tú ag iarraidh aon imreoir a fheiceáil gortaithe faoi láthair, díreach roimh thús Chorn an Domhain,’ a dúirt sí.
‘Is léir gur imreoir mór í dóibh.’
Tá fearg fós ar Pauw faoi na cúinsí ba chúis le gortú O’Sullivan, cé go deir an bainisteoir go bhfuil a fócas iomlán anois ar an gcluiche oscailte stairiúil leis an Astráil.
Chun tuilleadh eolais a fháil ar fheabhsú do chuid Gaeilge is féidir dul chuig Conradh na Gaeilge agus Foras na Gaeilge.
Más mian leat ríomhphost (email) a fháil leis na scéalta is fearr ar Extra.ie, ó Luan go hAoine, seol an focal ‘Tá’ chuig joeextragdotie@gmail.com
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
