Tá daoine ag filleadh ar shiopadóireacht i siopaí mar gheall ar an deacracht a bhaineann le hearraí a cheannaítear ar líne a thabhairt ar ais.
Ach níl ansin ach cúis amháin. Rud eile ná go mbraitheann siad go bhfuil gá acu dul amach agus timpeall níos mó.
Agus tá 42% de dhaoine sásta níos mó a íoc chun tacú le gnólachtaí áitiúla.
Tá sé léirithe ag Innéacs ‘Pulse of the Nation’ Penneys gur fearr le breis agus 60% d’Éireannaigh siopadóireacht i siopa seachas ar líne.
Eagraíodh an tuarascáil i gcomhpháirtíocht le Amárach Research.
Chuir siad ceist ar 1,200 duine faoina gcuid siopadóireachta tar éis na paindéime.
Léiríonn an taighde go bhfuil níos lú suime ag 46% de dhaoine i siopadóireacht ar líne inniu.
Dúirt 55% go raibh frustrachas orthu le hearraí a ceannaíodh ar líne a thabhairt ar ais. Dúirt 45% nach raibh na táirgí a cheannaigh siad mar a fógraíodh iad agus dúirt 39% go raibh siopadóireacht ar líne ró-daor.
I gcodarsnacht leis sin, dúirt níos mó ná seisear as gach deichniúr gur fearr leo a gcuid siopadóireachta a dhéanamh i siopa.
Dúirt 72% go bhfuil sé níos fusa éadaí a thriail agus dúirt 54% go bhfuil sé níos éasca earraí a thabhairt ar ais.
SCÉAL EILE: Amhras faoi thodhchaí Tubridy le RTÉ – ach níl an brú céanna ar Marty
Bhí 47% tuirseach ag fanacht lena seachadadh.
Dúirt 79% de na daoine gur fearr leo siopadóireacht a dhéanamh ina mbaile áitiúil. Dúirt thart ar 43% de na freagróirí go bhfuil siad ag caitheamh níos mó anois ina gceantar áitiúil ná mar a bheadh déanta acu roimh Phaindéim Covid.
Dúirt cathaoirleach Amárach, Gerard O’Neill: ‘Tháinig scéal chun solais go raibh todhchaí an mhiondíola ar líne, ach tá sé feicthe againn le 18 mí anuas go bhfuil sé seo i bhfad níos casta.’
SCÉAL EILE: Líomhaintí in aghaidh láithreora an BBC ‘seafóid’, a deir an duine óg
Léiríonn figiúirí ón bPríomh-Oifig Staidrimh ó mhí Feabhra nár rinne ach 8% de thomhaltóirí siopadóireacht le cuideachtaí Éireannacha ar líne, laghdú ó 66% i mí Aibreáin 2020.
Dúirt an tUasal O’Neill gur léir go bhfuil ‘lucht leanúna mór fós ag pobal na hÉireann den eispéireas in-siopa’, agus le níos mó daoine ag caitheamh ama ina bpobail agus ag obair hibrideach, tá ‘deis ann chun bailte agus sráidbhailte ar fud na hÉireann a athbheochan’.
Is seirbhís nuachta Gaeilge í www.ExtraG.ie a chuireann Nuacht agus Sport agus Siamsaíocht bhríomhar (lively) ar fáil gach lá, do dhaoine le ‘school Irish’ agus Gaeilgeoirí líofa.
Tá na focail simplí. Tá roinnt focal idir lúibíní (brackets) i mBéarla chun cabhrú le léitheoirí agus tá na scéalta gearr.
Le dul ar liosta ríomhphoist www.ExtraG.ie (email list) nó ar WhatsApp, abair ‘Tá’ ar ríomhphoist go joeextragdotie@gmail.com.
Agus chun tuilleadh eolais a fháil ar fheabhsú do chuid Gaeilge is féidir dul i dteagmháil le Conradh na Gaeilge agus Foras na Gaeilge.
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
