Ghabh Marty Morrissey a leithscéal as glacadh le comhaontú ‘neamhfhoirmiúil’ chun carr a úsáid mar mhalairt ar chúnamh a thabhairt do Renault ag imeachtaí.
Thug sé an carr a bhí ‘ar iasacht’ aige ar ais an lá tar éis briseadh scannal íocaíochtaí Ryan Tubridy.
Bhí an carr ar úsáid aige ar feadh beagnach sé bliana.
Ach tá mearbhall ann faoina naisc le cuideachta eile carranna, comhlacht díoltóireachta (dealership) BMW.
Dúirt an comhlacht leis an Irish Daily Mail gur ‘custaiméir a bhí ag íoc’ é Marty.
Mar sin féin, rinne fotheidil a bhí in éineacht le híomhánna ar líne – atá bainte anois – tagairt dó mar ‘ambasadóir branda’.
Beidh Marty fós ag tabhairt faoi chlúdach CLG RTÉ an deireadh seachtaine seo.
Tá gealltanas tugtha ag RTÉ anois, clár cuimsitheach leasanna na foirne (comprehensive register of interests) agus na gconraitheoirí (contractors) a bhunú mar gheall ar líon na gcomhpháirtíochtaí íoctha (paid partnerships) le brandaí carranna.
Rachaidh an t-ardstiúrthóir nua Kevin Bakhurst i mbun a ról Dé Luain, nuair a labhróidh sé leis an bhfoireann sula leagfaidh sé amach a rún maidir leis an gcraoltóir a athchóiriú don phobal.
Ansin, ina cheathrú lá sa phost, ar Déardaoin seo chugainn, beidh Bakhurst os comhair an Choiste um Chuntais Phoiblí (PAC) lena cheistiú.
Ar an Máirt beidh Ryan Tubridy, a mbeidh as an aer ar feadh tréimhse éiginnte mar gheall ar na híocaíochtaí rúnda de €345,000 a fuair sé, os comhair dhá choiste, an Choiste um Chuntais Phoiblí agus Coiste na Meán, in éineacht lena ghníomhaire Noel Kelly.
Idir an dá linn, baineadh grianghraif ar na meáin shóisialta a thaispeáin Marty le comhlacht díoltóireachta (dealership) gluaisteán BMW os comhair ceann dá carranna.
SCÉAL EILE:
Tugadh cead
dom’ – Deir
Marty Morrisey
go raibh carr
Renault ar
iasacht aige
ar feadh
cúig bliana
Mhaígh an fotheideal go raibh Morrissey ina ‘ambasadóir branda’ do BMW, in íomhá inar chonacthas ionadaí ag tabhairt na heochracha do BMW nua 1616 5 Series.
Mar sin féin, rinne foinsí in RTÉ iarracht a shoiléiriú gur ‘cheannaigh agus gur íoc Morrissey as’ carr BMW agus ‘nach bhfuil caidreamh branda aige le BMW’.
Dúirt urlabhraí do Ghrúpa BMW Colm Quinn leis an Irish Daily Mail: ‘Ba chustaiméir íoctha é Marty Morrissey le Grúpa Colm Quinn agus is cara pearsanta é le Colm.
‘As meas ar phríobháideachas ár gcustaiméirí go léir agus ar aon dul le an Rialachán Ginearálta maidir le Cosaint Sonraí (General Data Protection Regulation, GDPR), níl aon trácht eile le déanamh againn ar an ábhar seo.’
Dheimhnigh RTÉ freisin go mbeidh Marty ag tráchtaireacht ar chluiche leathcheannais iomána na hÉireann agus ar chluiche ceathrú ceannais camógaíochta na hÉireann an deireadh seachtaine seo mar is gnách.
Dúirt RTÉ go bhforbróidh siad ‘clár cuimsitheach leasanna fhoireann agus chonraitheoirí RTÉ’.
Tá sé ar intinn acu na sonraí seo a phoibliú nuair a bheidh an clár críochnaithe.
Is seirbhís nuachta Gaeilge í www.ExtraG.ie a chuireann Nuacht
agus Sport agus Siamsaíocht bhríomhar (lively) ar fáil gach
lá, do dhaoine le ‘school Irish’ agus Gaeilgeoirí líofa.
Tá na focail simplí. Tá roinnt focal idir lúibíní (brackets) i mBéarla chun
cabhrú le léitheoirí agus tá na scéalta gearr.
Le dul ar liosta ríomhphoist www.ExtraG.ie (email list) nó ar WhatsApp,
abair ‘Tá’ ar ríomhphoist go joeextragdotie@gmail.com.
Agus chun tuilleadh eolais a fháil ar fheabhsú do chuid Gaeilge is féidir
dul i dteagmháil le Conradh na Gaeilge agus Foras na Gaeilge.
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
