Léireoidh scannán nua cuid de chuairt JFK ar Éirinn ar bheagán cuimhne, sé sin an lá a chaith sé i nGaillimh, dar leis tuairisc sa Chonnacht Tribune.
Nuair a thug an tUachtarán Kennedy cuairt ar Éirinn bhí sé ina cheannaire ar náisiún óg fuinniúil a bhí ag breathnú chun cinn.
Agus – díreach cosúil le Joe Biden nuair a tháinig sé le déanaí, nó ‘Mayo Joe’ mar a deirtear– bhí sé an-bhródúil as a oidhreacht Ghaelach.
Dúirt sé ina dhiaidh sin gurbh í an chuairt sin ‘na ceithre lá is fearr de mo shaol’.
Mar sin féin, bliain ina dhiaidh sin bhí sé marbh agus, le sin, fuair go leor dóchas agus brón bás freisin.
Mar sin féin, tá an lá a chaith sé i gCathair na Gaillimhe mar fhócas anois i gclár faisnéise nua atá á stiúradh ag Pamela Finn atá ó dhúchas as Gaillimh.
Agus beidh sé á thaispeáint ag Músaem JFK Hyannis Cape Cod, Massachusetts sna Stáit Aontaithe agus i Músaem Cathrach na Gaillimhe an samhradh seo.
Tá JFK: The Three Miles – an t-achar óna theacht go dtí a imeacht –á stiúradh ag Pamela Finn agus curtha in eagar ag Séan Treacey.
Inti meabhraíonn fear na Gaillimhe, an Ceannfort Leo Quinlan, gur thug Jacqueline Kennedy cuireadh dó freastal ar shochraid JFK.
SCÉAL EILE: Tune in: Scoth na mbannaí Éireannacha ar fáil Night and Day ar TG4
Bhí Quinlan duine den seisear is fiche daoine a bhi mar gharda onóra ar thaobh uaighe an Uachtaráin.
Insíonn sé gur chonaic sé Mrs Kennedy ‘ag glanadh a deora’.
Labhrann grianghrafadóir an Connacht Tribune Stan Shields – a tháinig níos gaire ná éinne don Uachtarán – faoi JFK, agus meabhraíonn sé go fonnmhar an tUachtarán ag glaoch ‘cara’ air.
Insíonn daoine áitiúla a bhuail le JFK ag an am a scéalta freisin, ina measc, Norrie Quinn, damhsóir a bhí trí bliana déag, agus Carmel Kenny a bhí sa cheathrú bliain sa scoil náisiúnta.
Labhraíonn Anthony Ryan faoi chineáltas JFK, agus é ag stopadh ag teach an teaghlaigh, chun gach rath a ghuí ar mháthair scothaosta Ryan agus a lámh a chroitheadh.
Léireofar JFK: The Three Miles Premiere ag léiriú príobháideach i bPictiúrlann Pálás na Gaillimhe ar an 24 Meitheamh agus á sheoladh sna Stáit Aontaithe ag Músaem JFK Hyannis ar an 30 Meitheamh, agus fanfaidh sé sa dá mhúsaem i rith an tsamhraidh.
Beidh sé ar fáil freisin le féachaint ar www.jfkthethreemiles.com
Is seirbhís nuachta Gaeilge í www.ExtraG.ie a chuireann Nuacht agus Sport agus Siamsaíocht bhríomhar (lively) ar fáil gach lá, do dhaoine le ‘school Irish’ agus Gaeilgeoirí líofa.
Tá na focail simplí. Tá roinnt focal idir lúibíní (brackets) i mBéarla chun cabhrú le léitheoirí agus tá na scéalta gearr.
Le dul ar liosta ríomhphoist www.ExtraG.ie (email list) nó ar WhatsApp, abair ‘Tá’ ar ríomhphoist go joeextragdotie.ie nó text chuig 0867780408.
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
