Gabhadh ‘ball sinsearach de chairtéil Kinahan’, Liam Byrne, sa Spáinn

06/06/2023

Tá Liam Byrne ar dhuine den bheirt bhall amhrasta (suspected members) de chlann Kinahan a gabhadh sa Spáinn.

Gabhadh i Majorca é de bhun barántas eiseachadta (extradition warrant) na Breataine.

Duine sinsearach sa choireacht eagraithe trasnáisiúnta, bhí Byrne á lorg le fada ag na gardaí, National Crime Agency (NCA) na Breataine agus gníomhaireachtaí dlí eile.

Tuairiscíodh san Ard-Chúirt I mBaile Átha Cliath cheana féin go raibh baint mhór ag Byrne le gáinneáil ar dhrugaí (drug trafficking) agus le coireacht fhoréigneach.

byrne arrest2N

Is deartháir é le David Byrne a lámhachadh marbh ag Óstán an Regency i mBaile Átha Cliath seacht mbliana ó shin.

Dheimhnigh an NCA go raibh Liam Byrne ar dhuine de bheirt bhall amhrasta de chlann Kinahan a gabhadh sa Spáinn.

Dúirt said i ráiteas: ‘Gabhadh sa Spáinn beirt fhear a bhí ag teastáil ón NCA ar amhras faoi chionta arm.’

Dúirt Coimisinéir Cúnta an Gharda Justin Kelly gur ‘forbairt thar a bheith suntasach í gabháil Liam Byrne in iarrachtaí forghníomhaithe an dlí idirnáisiúnta chun oibríochtaí Ghrúpa Coireachta Eagraithe Kinahan a dhíchóimeáil’.

‘Is léiriú iad na gabhálacha seo ar chomhoibriú leanúnach an Gharda Síochána lenár gcomhghleacaithe san NCA,’ a dúirt sé.

Chuir an Biúró um Shócmhainní Coiriúla (Criminal Assets Bureau, CAB)  síos air san Ard-Chúirt mar choirpeach gairme a bhfuil baint mhór aige le gáinneáil ar dhrugaí agus le coireacht fhoréigneach a bhfuil baint aige le cairtéil idirnáisiúnta sa Bhreatain, sa Spáinn agus san Ísiltír – agus atá go dlúth le grúpa coireachta eagraithe Kinahan.

Dúirt an NCA: ‘Gabhadh Liam Byrne, 42, as Baile Átha Cliath, a cheaptar a bheith ar cheann de na baill is muiníní de ghrúpa coireachta eagraithe Kinahan, i gceantar Alcudia i Mallorca agus é ag ithe i mbialann le baill teaghlaigh.

‘D’eitil sé isteach in Aerfort Palma ó Dubai, UAE, ar an 26 Bealtaine.

‘Gabhadh ball eile den ghrúpa coireachta, Jack Kavanagh, 22, as Tamworth, Staffordshire, ag oifigigh ó Phóilíní Náisiúnta na Spáinne Dé Máirt seo caite (30 Bealtaine) ag Aerfort Malaga agus é ar idirthuras ó Dubai go dtí an Tuirc.’

Comhroinn Anois

You might also like ...

© 2021 – 2024 Extra.ie | DMG Media
exit-upcrosschevron-down linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram