Beidh ganntanas uisce chomh maith le fógraí uisce a fhiuchadh (boil water notices) ar fud na tíre an tseachtain seo chugainn má théann stailc (strike) atá beartaithe ag 30 údarás áitiúil ar aghaidh.

Tá oibrithe uisce sna húdaráis áitiúla le bheith páirteach i stailc, Dé Céadaoin agus Déardaoin seo chugainn, faoi théarmaí fostaíochta aistriú go Uisce Éireann.

Thug an ceardchumann Siptu, atá ag déanamh ionadaíochta (representing) do na hoibrithe, rabhadh (warning) go gcuirfidh na haighnis seo isteach go mór ar sholáthar seirbhísí uisce agus dóiteáin (water and fire services) i ngach baile agus contae.

Dúirt sé gur dócha go mbeidh ganntanas agus fógraí fiuchta mar nach féidir monatóireacht a dhéanamh ar chaighdeán an uisce mar is gnách.

Tagann an rabhadh i lár tréimhse fhada aimsire the, le teocht 25C le leanúint ar aghaidh, de réir Met Éireann.

Dúirt Karan O’Loughlin, eagraí rannáin (divisional organiser) Siptu: ‘Tá an easpa ullmhúcháin ag na húdaráis áitiúla don aighneas seo scanrúil agus mífhreagrach (irresponsible).

‘Tá ár mbaill ag tuairisciú nach bhfuil aon phleananna teagmhasacha sonracha i bhfeidhm ag an mbainistíocht i bhformhór na gcontaetha agus nach bhfuil siad ag tabhairt faoi aon fheachtais faisnéise poiblí (public information).

‘Tá freagracht ar údaráis áitiúla a chur in iúl don phobal go gcuirfear isteach ar na seirbhísí dóiteáin agus uisce ach níl sé sin déanta acu.’

Tá sé ráite ag an Aire Tithíochta Darragh O’Brien nach bhfuil gá leis an stailc agus gur féidir na ceisteanna a réiteach gan gníomhaíocht thionsclaíoch (industrial action).

‘Ní chreidim go bhfuil gá le gníomhaíocht thionsclaíoch,’ a dúirt an tAire. ‘Ní chreidim go bhfuil gá ar dhóigh ar bith leis an bpobal a bheith míchumtha anseo mar gheall ar líon an-bheag ceisteanna.’

Ach dúirt urlabhraí de chuid Siptu leis an Irish Daily Mail go bhfuil gealltanas tugtha ag 3,000 oibrí údaráis áitiúil atá le haistriú anonn go Uisce Éireann go gcoinneofaí a gcuid téarmaí, coinníollacha agus liúntais bhunaidh (original terms, conditions and allowances).

‘Ach níl sé déanta. Bhí muid i dteagmháil le Darragh O’Brien, rinne sé gealltanais ach níl sé sin an méid atá na hoibrithe ag iarraidh,’ a dúirt an t-urlabhraí.

Dúirt urlabhraí le hUisce Éireann go bhfuil a fhios acu go bhfuil an stailc beartaithe agus dúirt siad go bhfuil foireann bainistíochta ullmhaithe acu chun an tionchar a d'fhéadfadh a bheith ann a mheas.

  ‘Má dtarraingítear siar seirbhísí riachtanacha táimid ag cur in iúl do chustaiméirí go bhféadfadh fógraí fiuchta uisce a bheith ann, ná ídíonn (consume) fógraí agus go bhféadfaí cur isteach ar an soláthar uisce Dé Céadaoin an 7ú agus Déardaoin an 8ú Meitheamh. Déanfaidh Uisce Éireann nuashonrú don phobal chomh luath agus a bheidh tuilleadh eolais againn,’ a dúirt siad.