Táthar ag súil le líon níos mó ná riamh de lucht leanúna i Staid Aviva do chluiche idirnáisiúnta na mban nuair a imreoidh Poblacht na hÉireann a gcéad chluiche ann Dé Sathairn, 23 Meán Fómhair.
Is é cluiche tosaigh Shraith na Náisiún UEFA (UEFA Nations League) in aghaidh Thuaisceart Éireann an chéad uair a bheidh páirc spóirt stairiúil Bhóthar Lansdún ar fail do chluiche idirnáisiúnta na mban.
Mhol bainisteoir na hÉireann Vera Pauw rogha an ionaid 51,000 mar ‘game-changer’ do pheil na mban anseo.
‘Tá sé iontach fios a bheith agat go mbeidh ár n-imreoirí in ann imirt i staidiam chomh íocónach – ceann de na cinn is fearr ar domhan!’ a dúirt Pauw.
‘Ba mhaith linn tinreamh níos mó a bheith againn chun an fhoireann a spreagadh ina gcéad chluiche tar éis Chorn an Domhain.
‘Is léim mhór eile chun cinn dár bhfoireann é,’ a dúirt sí.
SCÉAL EILE: No Go: Tánaiste agus iar-cheannaire
an CLG (GAA) ag gearán faoi GAAGO agus táillí ar chluichí ar an teilifís
Dúirt sí: ‘Tá an-tacaíocht faighte againn le blianta beaga anuas i Staid Thamhlachta (Tallaght Stadium) – a bhfuilimid thar a bheith buíoch di go fóill – ach dúirt muid i gcónaí dá dtiocfadh an deis cheart chun imirt i Staid Aviva go bhféachfaimis air.’
Tá sé fós le feiceáil an mbeidh Pauw i gceannas ag an am, mar go bhfuil deireadh ag teacht lena chonradh mar bhainisteoir tar éis d’Éirinn a bheith páirteach i gcluiche ceannais Chorn an Domhain san Astráil.
D’aontaigh an FAI agus Pauw moill a chur ar chainteanna ar chomhaontú nua chun ligean don bhean Ísiltíreach díriú go hiomlán ar na cluichí ceannais.
Tá Éire i Sraith B, le Tuaisceart Éireann, an Ungáir agus an Albáin i Sraith na Náisiún UEFA.
Tá a gcuid cluichí á n-imirt ag Éirinn i Staid Thamhlachta le blianta beaga anuas.
Cé go raibh glaonna ann do chluiche réamh-Chorn an Domhain san Aviva, tá cluichí i gcoinne na Fraince agus na Saimbia á reáchtáil i dTamhlacht.
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
