Tá sé beartaithe ag an Aontas Eorpach cead a thabhairt do dhéagóirí atá 16 bliana d’aois gluaisteáin a thiomáint, atá feistithe le gléas a chuireann srian le luas.
Ligfidh an plean dóibh gluaisteáin a thiomáint ach ní fhéadfaidís dul níos tapúla ná 45kph.
Is é 17 an aois tiomána dhlíthiúil in Éirinn faoi láthair.
Tá an beart molta mar chuid d’athbhreithniú mór ar rialacha an AE maidir le ceadúnais tiomána chun ‘aghaidh a thabhairt ar cheisteanna soghluaisteachta i limistéir iargúlta’.
Tagann sé i ndiaidh tionscnamh a rinne rialtas na Fionlainne (Finland) in 2020 a cheadódh do dhéagóirí 15 bliana d’aois gluaisteáin a thiomáint le teorainn luais de 60kph.
Scriosadh é seo toisc go raibh sé mídhleathach faoi reachtaíocht (legislation) reatha an AE.
Tacaíonn an TD Neamhspleách do Chiarraí Michael Healy-Rae leis an mbeart mar go ndéanann sé ‘ciall do dhaoine a chónaíonn i gceantair thuaithe’.
LÉIGH NÍOS MÓ, CLIC ANSEO Craobh na hÉireann:
Sceideal na gcluichí do pheil na bhfear sinsearach
Dúirt sé: ‘Níl aon rud ar domhan cearr leis dá gcuideodh sé le muintir na tuaithe cónaí san áit a bhfuil siad.’
Léirigh an tUasal Healy-Rae dóchas go dtacódh an Rialtas leis an mbeart ach dúirt sé: ‘Ar an drochuair tá daoine áirithe sa Rialtas faoi láthair a cheapann gur cheart dúinn go léir a bheith ar rothair nó fiú ar ais ar chapaill agus cairteacha.
‘Ach tá cónaí orm sa saol fíor agus tuigim go gcaithfidh daoine a chónaíonn i gceantair thuaithe maireachtáil, oibriú agus oideachas a fháil.’
Mar sin féin, d’iarr an European Transport Safety Council ar an gCoimisiún Eorpach éirí as.
Dúirt stiúrthóir feidhmiúcháin ETSC, Antonio Avenoso, gur ‘smaoineamh craiceáilte’ a bhí ann.
LÉIGH NÍOS MÓ, CLIC ANSEO Ní
ghlacfaidh na Mná Onóra le fiosrúchán ‘whitewash’
Dúirt an tUasal Avenoso: ‘An gá a rá gur smaoineamh uafásach é leanaí a chur at tiomáint SUV?
‘Ba cheart an moladh seo a chur láithreach sa bhosca bruscair na staire agus ina ionad sin ba cheart iarracht a dhéanamh chun ár mbóithre a dhéanamh níos sábháilte do leanaí chun siúl agus rothaíocht go sábháilte.’
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
