Chaith 40 mac léinn trí mhí ag foghlaim Gaeilge trí Chantainis (Cantonese) agus bhain siad céim amach i mBaile Átha Cliath an deireadh seachtaine seo caite.
Is é an Dr Fangzhe Qiu, atá ina ollamh cúnta i Scoil na Gaeilge, an Léinn Cheiltigh agus an Bhéaloidis i gColáiste na hOllscoile, Baile Átha Cliath, a mhúin an cúrsa sa Chantainis.
Is tionscnóir (promoter) gníomhach de chultúr na hÉireann é do phobal na Síne. Ba é an chéad chúrsa Gaeilge a múineadh sa Chantainis sa tír é.
Bhí sé sin tábhachtach do Alice Chau, duine de rannpháirtithe an chúrsa.
Dúirt sí le Olivia Kelleher san Irish Times: ‘Cuireann go leor cúrsaí ort Gaeilge a fhoghlaim trí Bhéarla. Mar sin tá scagaire (filter) eile ann mar go bhfuil tú ag úsáid an dara teanga chun an tríú teanga a fhoghlaim.
‘Is mór an phribhléid dúinne duine a aimsiú ar chainteoir Cantainise a mháthairtheanga agus atá líofa sa Ghaeilge.’
Mar sin féin, bhí dearcadh roinnt Éireannach i leith na Gaeilge ag cur isteach uirthi.
Dúirt sí: ‘Ceann de na rudaí a bhí muid ag smaoineamh air le cúpla mí anuas ná go bhfuil mearbhall orainn (we are puzzled).
‘Ní thuigimid cén fáth a bhfuil faitíos ar Éireannaigh roimh a theanga.’
Is ea as grúpa Cantonese in Ireland a d’eagraigh na ceachtanna agus chuir Club Chonradh na Gaeilge, i Sráid Fhearchair (Harcourt Street), Baile Átha Cliath an imeacht ar siúl, le Cathaoirleach Coiste na Gaeilge, na Gaeltachta agus Phobal Labhartha na Gaeilge Aengus Ó Snodaigh agus na Seanadóirí Lorraine Clifford agus Barry Ward i láthair.
Tá teanga ina ceist pholaitiúil i Hong Cong ó tugadh an cúige ar ais ón Bhreatain go dtí an tSín i 1997.
Cé gurb í gCantainis an teanga a labhraíonn formhór an daonra, tá an Mhandairínis á gcur chun cinn níos mó agus níos mó.
Dúirt Ms Chau, mar gheall ar an staid pholaitiúil i Hong Cong, go dúradh leo Béarla a fhoghlaim agus Mandairínis a fhoghlaim agus dúirt: ‘Níl an Ghaeilge chomh deacair sin againne. Tá go leor cosúlachtaí idir an Chantainis agus an Ghaeilge.
‘Is seanteanga iad an dá theanga agus tá focail áirithe aisteach ach ní roicéad eolaíocht í.
‘Níl le déanamh agat ach é a fhoghlaim,’ a deir Ms Chau, atá ina hóstach ar sheó raidió ar Near FM a chuireann tallann Áiseach chun cinn in Éirinn.
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
