Bhí Manchester United dhá chúl chun tosaigh ag leath-am, ach chríochnaigh siad ar chomhscóir in aghaidh Tottenham. Ciallaíonn sé sin gur troid chrua a bheidh ann d’áit sa chéad ceithre idir sé chlub.
Cheap lucht leanúna Tottenham gur droch-thráthnóna eile a bhí ann dóibh tar éis imirt lag sa chéad leath in aghaidh Manchester Untied agus iad dhá chúl taoibh thiar.
Bhí sé sin anuas ar an náire a bhí orthu nuair a d’imir siad Newcastle cúpla lá ó shin.
Agus níos measa fós bhí siad ag imirt faoi bhainisteoir eatramhach nua, Ryan Mason.
Bhí go leor oibre le déanamh ag Mason chun rud éigin a shábháil ón gcluiche sa dara leath – ach sin an rud a rinne sé.
Ba chosúil go raibh Manchester United ar ais arís mar fhoireann buaiteoirí nuair a ghlac Erik ten Hag seilbh ar an mbainisteoir.
Ach bhí caillteanas ollmhór acu i gcoinne Liverpool, a bhfuil a gcuid trioblóidí féin acu. Agus thit siad as a chéile i gcoinne Sevilla i Sraith Europa. Agus anois an cluiche in aghaidh Tottenham.
LÉIGH NÍOS MÓ, CLIC ANSEO Cáit atá ar súil anseo? Ceithre choileán
Corcaigh ag lorg ainmneacha ón bpobal … le duais fhiáin
Díreach nuair a bhí an chuma orthu go raibh siad réidh le háit sa chéad ceithre a bhaint amach sa Premier League, thug siad dhá chúl do Tottenham, a bhfuil a gcuid trioblóidí féin acu freisin.
Agus ciallaíonn sé sin, le cúig seachtaine de chluichí le dul, go bhfuil an troid don dá áit deireanacha sna ceithre cinn is airde oscailte go forleathan.
Ag dul isteach sa chluiche seo, ní dhearna Erik ten Hag ach athrú amháin ó bhua leathcheannais Chorn an FA ar Brighton an deireadh seachtaine seo caite. Ghlac Jadon Sancho áit Anthony Martial.
Fuair Manchester United an chéad chúl i gcoinne Tottenham tar éis seacht nóiméad. Rith Sancho isteach ón taobh clé tar éis dó an liathróid a fháil ó Marcus Rashford, agus chiceáil sé é lena chos dheas isteach sa chúinne íochtair de chúl Tottenham.
Agus dhá nóiméad roimh leath ama fuair Manchester United cúl eile. Bhreathnaigh Fernandes suas óna leath féin agus chonaic sé Rashford ag rith. Chuaigh Rashford in aghaidh Eric Dier, phléasc sé trí líne chosanta Tottenham agus chiceáil sé an liathróid thar chúl báire Forster.
Ach cluiche difriúil a bhí ann sa dara leath.
LÉIGH NÍOS MÓ, CLIC ANSEO An oíche a chan
Jerry Springer Elvis do lucht féachana RTÉ
Fuair Tottenham cúl sa 56ú nóiméad. Theip ar iarracht Harry Kane ar an gcúil ach thit an liathróid go himeall an bhosca, áit a raibh Pedro Porro, agus chiceáil sé isteach i gcúinne an chúl é.
Lean Tottenham ag cur brú ar Manchester United. Agus 11 nóiméad roimh dheireadh an chluiche rith Son Heung-min isteach, fuair sé an liathróid ó Kane agus scóráil sé.
Mar sin cé go raibh an chaint ar fad an tseachtain seo faoi Arsenal, agus an bhfuil siad chun an chéad nó an dara háit a fháil, beidh an cath suimiúil don dá áit dheireanacha sa chéad ceithre idir sé chlub, Newcastle, Manchester United, Tottenham, Aston Villa, Liverpool agus Brighton.
LÉIGH NÍOS MÓ, CLIC ANSEO
Lá Mór na Gaeilge, Dé Domhnaigh seo i lár chathair Bhaile Átha Cliath
Níos measa fós do Erik ten Hag, cuireann na leabhair staire in iúl dúinn nuair a bhíonn Liverpool ag éirí go maith, éiríonn go dona le Manchester United, agus vice versa, agus tá Liverpool tosaithe ag imirt cluichí anois.
Cúig seachtaine shuimiúil a bheidh ann.
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
