Aisteach! Roghnaíodh Aviva, atá níos lú, in ionad Croker do Euro 2028

Tá iarratas  na hÉireann, leis an mBreatain, chun Euro 2028 a óstáil seolta go foirmiúil – ach gan Croker, an staidiam is fearr sa tír.

Níl Páirc an Chrócaigh san áireamh ar liosta de na 10 staidiam a cuireadh ar aghaidh le haghaidh óstaíocht na gcluichí.

Liostaíonn an iarratas  Staidiam sacar, an Aviva i mBhaile Átha Cliath, chomh maith le staidiam CLG, Pháirc Mhic Asmaint (Casement Park) i mBéal Feirste, mar an dá ionad in Éirinn.

NÍOS MÓ SPORT CLIC ANSEO:
Féach ar Keane ag taispeáint fíorscil spóirt
do laochra sacair Shasana, iománaíocht!

Tá Páirc Mhic Asmaint, áit chónaithe CLG Aontroma (Antrim), fós ag fanacht le hathfhorbairt tar éis d’fheidhmeannas Thuaisceart Éireann gealltanas a thabhairt go ndéanfaí uasghrádú ar an staidiam in éineacht le Páirc Windsor agus Ravenhill in 2011.

Euro 2028
Euro 2028: Radharc ginearálta ar Pháirc an Chrócaigh, le áiteanna do 83,200, le linn cluiche idir Bhaile Áth Cliath agus Ciarraí. Pic: Stephen McCarthy/Sportsfile

Agus tá an Aviva níos lú ná Páirc an Chrócaigh, a bhí ar ghearrliosta de 14 staidiam do Euro 2028 molta a cuireadh isteach anuraidh.

Tá Wembley, Staidiam Tottenham Hotspur agus St James’s Park i measc na staidiamaí Sasanacha atá ar an liosta.

Áirítear freisin ó Shasana Villa Park, Staidiam Etihad de chuid Manchester City agus i Learpholl, staidiam nua Everton ag Bramley-Moore Docks.

NÍOS MÓ SPORT CLIC ANSEO:
Labhraíonn laoch na ‘Dubs’ Jason
Sherlock ar son Lee Chin i ndiaidh ‘racist abuse’

Comhlánaíonn Páirc Hampden Ghlaschú agus Principality Stadium i gCaerdydd (Cardiff) an liosta mar chuimsithe na hAlban agus na Breataine Bige san iarratas do Euro 2028.

Tugann an liosta faoi deara an tábhacht a bhaineann le náisiúin éagsúla le haghaidh cluichí, chun ‘a oiread pobal agus is féidir a shásamh’.

Euro 2028
Euro 2028: Radharc ginearálta ar an Aviva, le áiteanna do 51,711, Pic: Seb Daly/Sportsfile

Beidh an meán toilleadh (average capacity) na staidiam Euro 2028 ná 58,000, mar sin is féidir le beagnach trí mhilliún de lucht leanúna freastal ar chluichí an chomórtais.

Bheadh sé sin níos airde, áfach, dá mbeadh Páirc an Chrócaigh, a bhfuil toilleadh 83,200 aici, curtha san áireamh. Tá toilleadh 51,711 ag an Aviva.

Ina ainneoin seo, léigh ráiteas ón FAI: ‘Cuirfidh ard- toilleadh, páirceanna peile a bhfuil cáil dhomhanda orthu agus ionaid nua den scoth an t-ardán ar fáil don UEFA EURO is mó agus is rathúla riamh ó thaobh tráchtála de – rud a fhágfaidh go mbeidh riosca íseal agus luach saothair ard againn.’

Euro 2028
Euro 2028: Tá pleananna athfhorbartha do Pháirc Mhic Asmaint Bhéal Feirste ar feitheamh le roinnt blianta anuas. Pic: Stephen McCarthy/Sportsfile

Dúirt Príomhfheidhmeannach an FAI, Jonathan Hill, gurb é an smaoineamh a bhí taobh thiar den plean ná staidiam amháin i gcathair amháin, seachas Londain.

Dúirt sé: ‘Aithnítear Staid Aviva mar ionad den chéad scoth a bhfuil cuntas teiste cruthaithe aige maidir le mórimeachtaí a sheachadadh.’

Comhroinn Anois

You might also like ...

© 2021 – 2024 Extra.ie | DMG Media
exit-upcrosschevron-down linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram