Beidh réalta ag Maigh Eo, Cillian O’Connor, ar an mbinse ina gcluiche mór in aghaidh Ros Comáin Dé Domhnaigh.

Is rud é sin nach mbeidh oiread suime (interest) ag na meáin chumarsáide (media) ann agus a bhí acu le Stephen Cluxton ag filleadh ar an mbinse do Bhaile Átha Cliath.

Ag an am céanna, tá sé suntasach do Mhaigh Eo, a thosaíonn an chraobh mar bhuaiteoirí na Sraithe le duine de phríomhscórálaithe CLG réidh le teacht ar an bpáirc.

Níl ach athrú amháin déanta ag Kevin McStay ar fhoireann Mhaigh Eo a bhuaigh cluiche ceannais na Sraithe.

Don chéad chluiche sa Chraobh, tosóidh Donnacha McHugh mar lánchúlaí sa chúinne (corner back), in áit Sam Callinan.

Tá Aidan O’Shea ar dhuine den triúr thosaí (forwards). Tá James Carr ann agus beidh lucht leanúna Muigh Eo ag súil go mbeidh Ryan O’Donoghue in ann na deiseanna cic saor a chur thar an mbarra.

Bhí McStay ag lorg an phoist seo le Mhaigh Eo le fada an lá, sula bhfuair sé é

 Agus b’fhéidir gurb é sin an fáth go bhfuil sé ag déanamh a chinntí go mall agus go cúramach.

Ina theannta sin, go dtí seo, is cinntí iad ar éirigh leo.

NÍOS MÓ LE LÉAMH CLIC ANSEO:
Marú Michaela Harte: Fear céile John
fós buartha faoi iarratas a rinne sé ar an óstán

Seans go míneoidh sé sin an fáth go mbeidh Tommy Conroy ar an mbínse.

D’imir Tommy a chéad chluiche i gcluiche ceannais na Sraithe an tseachtain seo caite, agus chuaigh sé i bhfeidhm ar an lucht leanúna.

Seans go gceapfadh sé nár cheart dó a bheith ag féachaint ar thús an chluiche in aghaidh Ros Comáin ar an mbinse.

Ag an am céanna, ní bheidh sé ró-míchompordach; beidh O’Connor, an scórálaí is fearr riamh sa Chraobh sa pheil ó 2020 i leith, ina shuí síos a ’pew’ leis.

NÍOS MÓ LE LÉAMH CLIC ANSEO:
Sraith peile: Tá na Jacks ‘back’… ach
tá Gaillimh fós le teacht

Mar sin féin ceaptar go mbeidh cluiche crua ag Maigh Eo in aghaidh Ros Comáin.

Rinne a mbainisteoir, Davy Burke, dhá athrú ar an taobhlíne a mhair go maith i gcoinne Dhún na nGall, foireann a bhfuil a trioblóidí féin acu agus atá thíos i Roinn 2 anois.

Imreoidh Conor Daly mar lánchúlaí in ionad Tadhg O’Rourke, a raibh gortú croíbhriste air sa chluiche in aghaidh Dhún na nGall.

Agus anois, faraor, mar gheall ar ghortú Achilles, beidh sé ag féachaint ar na cluichí ón seastán.

Imreoidh Brian Stack mar leathchúlaí cliatháin. Agus ciallaíonn sé sin go dtosóidh Dylan Ruane i lár na páirce in ionad O’Rourke.

Imreoidh Ciarán Lennon in ionad Niall Kilroy sa chliathán.

NÍOS MÓ LE LÉAMH CLIC ANSEO:
Féach ar Keane ag taispeáint fíorscil
spóirt do laochra sacair Shasana, iománaíocht!

Tá an tSraith thart, tá tástáil déanta ar imreoirí, tá na cinntí móra déanta.

Is cluiche mór é seo don dá fhoireann. Agus cibé foireann a n-éiríonn leo, beidh Gaillimh ag fanacht leo imríonn Gaillimh, i gcluiche leathcheannais Chonnacht.

Maigh Eo: Colm Reape; Jack Coyne, David McBrien, Donnacha McHugh; Stephen Coen, Conor Loftus, Paddy Durcan; Matthew Ruane, Diarmuid O’Connor; Fionn McDonagh, Jack Carney, Jordan Flynn; Aidan O’Shea, James Carr, Ryan O’Donoghue.

Ionadaithe: Rory Byrne, Sam Callinan, Tommy Conroy, Jason Doherty, Frank Irwin, Darren McHale, Eoghan McLaughlin, Conor McStay, Cillian O’Connor, Padraig O’Hora, Paul Towey.

Ros Comáin: Conor Carroll; Conor Hussey, Conor Daly, David Murray; Niall Daly, Brian Stack, Eoin McCormack; Dylan Ruane, Keith Doyle; Ciaráin Murtagh, Ciarán Lennon, Enda Smith; Conor Cox, Diarmuid Murtagh, Ben O Carroll.

Ionadaithe: Colm Lavin, Colin Walsh, Robbie Dolan, Richard Hughes, Ruaidhrí Fallon, Cian Connolly, Donie Smith, Cian McKeon, Niall Kilroy, Paul Carey, Eddie Nolan.