Late Late Show speisialta faoi Life Love and Happiness

07/04/2023

Beidh an Late Late Show ag ceiliúradh Life, Love and Happiness an tseachtaine seo. Sé sin an t-amhrán a chanann Brain Kennedy chun ceiliúradh a dhéanamh ar Próiseas na Síochána a thug saol níos fearr don oiread sin daoine inár dtír.

I seó speisialta chun 25 bliain de Chomhaontú Aoine an Chéasta a chomóradh seinneann Brian Life Love and Happiness beo ar an Late Late Show in éineacht le dhá chór trasphobail, Cór Pobail Cairde agus an Belfast Youth Choir.

Beidh an tIar-Thaoiseach Bertie Ahern ann freisin le labhairt faoin gcaoi ar tugadh Comhaontú Aoine an Chéasta i gcrích.

Late Late Show: Brian ag canadh Life Love and Happiness beo in éineacht le dhá chór trasphobail, Cór Pobail Cairde agus an Belfast Youth Choir
Late Late Show: Brian ag canadh Life Love and Happiness beo in éineacht le dhá chór trasphobail, Cór Pobail Cairde agus an Belfast Youth Choir

Beidh Bertie – a luadh go hachomair mar iomaitheoir chun an Late Late Show a óstáil tar éis Ryan Tubridy, le geallghlacadóir  amháin – ag roinnt cuimhní cinn ón gcomhaontú stairiúil, a chuir deireadh éifeachtach leis na Trioblóidí ar an 10 Aibreán 1998.

Beidh mac iar-cheannaire Pháirtí Aontachtach Uladh (Ulster Unionist Party) agus an Chéad Aire David Trimble, Nicholas, ar an seó freisin.

Bhí sé ina leanbh nuair a síníodh an comhaontú agus labhróidh sé faoi na rioscaí a ghlac a athair, agus a oidhreacht.

NÍOS MÓ SIAMSAÍOCHT CLIC ANSEO:
Rabhadh faoi seacláid! Agus níl san ‘Easter Egg’
ach bia amháin atá ‘toxic’ do mhadraí um Cháisc

Pléifidh an t-iriseoir ó Dhoire Aoife Moore céard a bhí i gceist le Comhaontú Aoine an Chéasta di, agus céard a tharlóidh amach anseo.

Leanann téama Comhaontú Aoine an Chéasta le breathnú ar chuairt Uachtarán Mheiriceá Joe Biden. Tá sé ag eitilt isteach go Béal Feirste ar dtús, chun an comhaontú síochána stairiúil a cheiliúradh.

Agus beidh Ambasadóir na Stát Aontaithe go hÉirinn Claire Cronin ar an Late Late Show chun labhairt le Ryan faoi chuairt Biden.

Pléifidh sí a fréamhacha Éireannacha féin, an chaoi ar tairgeadh an ról di tar éis buaile le Biden ar eitilt, agus an sceitimíní a bhain le cuairt an Uachtaráin.

Late Late Show: Bertie Ahern, George Mitchell agus Tony Blair Pic: AP Photo/File
Late Late Show: Bertie Ahern, George Mitchell agus Tony Blair Pic: AP Photo/File

Ina dhiaidh sin, tar éis don tSraith Peile críochnú le Maigh Eo mar bhuaiteoirí, beidh an Late Late Show ag ceiliúradh tús sheisiún Chraobh na hÉireann an CLG, agus beidh Ryan in éineacht le All-Stars a phléifidh a mbuanna féin agus a thabharfaidh tuairimí ar an comórtas atá amach romhainn.

Míneoidh buaiteoir Chorn Óir Cheltenham, Bryan Cooper, a d’fhógair go raibh sé ar scor an mhí seo caite, ag aois 30 bliain d’aois, conas mar a d’fhág a eagla roimh thitim, a d’fhorbair de réir a chéile le linn a ghairm bheatha, nach raibh sé in ann leanúint ar aghaidh sa spórt a bhfuil grá aige dó ar feadh a shaoil.

NÍOS MÓ SIAMSAÍOCHT CLIC ANSEO:
Harry Potter ag teacht ar ais, an uair seo ar an teilifís

Agus pléifidh Alanna Quinn Idris, an cailín sna déaga a dalladh tar éis ionsaí i mí Eanáir 2022, conas a d’athraigh a saol tar éis an ionsaí, agus a bealach chun téarnaimh tar éis do dhuine dá hionsaitheoirí a bheith i bpríosún.

• The Late Late Show, Dé hAoine, 9.35pm ar RTÉ a hAon agus an RTÉ Player.

Comhroinn Anois

You might also like ...

© 2021 – 2024 Extra.ie | DMG Media
exit-upcrosschevron-down linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram