Tá brón ar phobal CLG a chloisteáil faoi bhás tobann bainisteoir peile Uíbh Fhailí, Liam Kearns.Fuair sé bás tar éis tinneas tobann Dé Domhnaigh. Bhí sé 60 bliain d’aois.
Ghlac Kearns, arbh as Trá Lí, Contae Chiarraí dó, áit mar bhainisteoir Uíbh Fhailí ó John Maughan mí Lúnasa seo caite, agus seans ag an bhfoireann faoi láthair ardú céime a fháil ó Roinn 3.
Ag leibhéal idirchontae, bhí Kearns ag bainistiú Luimneach, Laois agus Tiobraid Árann roimhe seo.
Thug sé Tiobraid Árann go cluiche leathcheannais na hÉireann in 2016.
Le linn a shaol imeartha bhuaigh sé bonn Chraobh na Éireann do Mhionúir le Ciarraí i 1980.
Ina dhiaidh sin bhí baint aige le painéil U-21 agus sinsearach an chontae.
Ar Dé Domhaigh De réir ráiteas ó CLG Uíbh Fhailí: ‘Bhí CLG Uíbh Fhailí craoíbhriste nuair a fuaireamar amach faoi bás tobann ár mbainisteoir peile sinsear, Liam Kearns tráthnóna inniu.
‘Sa tréimhse ghairid a chaith sé mar bhainisteoir ar na peileadóirí sinsir, bhí tionchar an-dearfach ag Liam ar an fhoireann, agus bhí an-mheas air ag gach duine a raibh baint aige le CLG Uíbh Fhailí.
‘Déanann CLG Uíbh Fhailí comhbhrón ó chroí lena bhean chéile Angela agus a iníonacha Rachel agus Laura. Suaimhneas síoraí dó.’
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
