Deir an múinteoir Enoch Burke go bhfuair sé tacaíocht ó roinnt daltaí, tuismitheoirí agus baill foirne sa scoil ina raibh sé ag obair.
Deir an tUasal Burke nach gcuireann a láithreacht, taobh amuigh den fhoirgneamh ag Wilson’s Hospital School, i gCo na hIarmhí, in aghaidh urghaire Ard-Chúirte, mar a dúirt an scoil.
Tá sé maíte ag an scoil go bhfuil tinreamh leanúnach (continued attendance) an Uasail Burke ar an áitreabh ag cur isteach dóibh agus mar ábhar míshuaimhneas mór don fhoireann, do dhaltaí, do thuismitheoirí agus do phobal na scoile i gcoitinne.
Ach éilíonn an tUasal Burke gur choinnigh roinnt mac léinn teachtaireachtaí tacaíochta ag fuinneoga an tseomra ranga agus é ag seasamh taobh amuigh. Maíonn sé freisin gur bhácáil mac léinn amháin scónaí dó agus gur chuir tuismitheoir síos air mar inspioráid agus laoch.
Déantar na héilimh i ndoiciméad faoi mhionn a chuir an tUasal Burke isteach mar chuid d’imeachtaí na scoile ina choinne.
Cuireadh an Críostaí soiscéalach (evangelical) Burke ar fionraí ón obair cheana féin go dtí go bhfaigheadh toradh próisis smachta tar éis roinnt teagmhas faoi aighneas trasinscne.
Chuir an tUasal Burke in iúl roinnt uaireanta go raibh sé i gcoinne iarratas ó phríomhoide na meánscoile labhairt le leanbh trasinscneach faoina n-ainm agus tagairt a dhéanamh dó leis an bhforainm ‘siad’.
Cuireadh an múinteoir ar fionraí óna phost tar éis imeachtaí ina dhiaidh sin, lena n-áirítear aghaidh a thabhairt ar an bpríomhoide ag imeacht scoile i mí an Mheithimh, rud a chuir ‘imní’ ar an phríomhoide faoina iompar amach anseo.
Reáchtáladh próiseas smachta tar éis don phríomhoide tuairisc a chur le chéile ansin i mí Lúnasa seo caite.
Cimíodh an tUasal Burke go Príosún Mhuinseo i mBaile Átha Cliath níos déanaí, ag breitheamh Ard-Chúirte, tar éis dó ordú cúirte sealadach chun fanacht amach óna ionad oibre a shárú.
Scaoileadh saor ón bpríosún é i mí na Nollag, agus thosaigh sé ag freastal ar an scoil arís san Athbhliain.
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
