Bhí lucht féachana an Late Late Show ag moladh laoch peile na hÉireann, Amber Barrett, oíche Dé hAoine, mar gheall ar agallamh ‘eloquent and humble’ le Ryan Tubridy.
Fuair Amber an cúl a bhuaigh an cluiche in aghaidh na hAlban i mí Dheireadh Fómhair seo caite, chun Éire a chur chuig ár gcéad Chorn Domhanda na mBan.
Labhair sí faoi sin, faoi Vera Pauw, an bainisteoir agus mar a dhéanann Vera caidreamh leis an bhfoireann … agus faoin tragóid uafásach i sráidbhaile beag Craoslach (Creeslough), i gContae Dhún na nGall, atá mar ‘dara baile’ de Amber.
Labhair Amber faoina ceiliúradh mhothúchánach tar éis di an cúl cáiliúil a scóráil, nuair a chuaigh sí ar a glúine agus a phóg sí a banda dubh agus í ag caoineadh ar na marbh i gCraoslach.
Imreoidh na hÉireannaigh in aghaidh na hAstráile os comhair measta 83,500 leantóir i Sydney, sa chluiche tosaigh de Chorn an Domhain.
Thiomnaigh (dedicate) an bean ó Dhún na nGall a cúl stairiúil do Chraoslach tar éis do dheichniúr a mbeatha a chailleadh go tragóideach i bpléasc ag stáisiún peitril, díreach laethanta roimh an gcluiche in aghaidh na hAlban.
Ag breathnú siar ar an nóiméad a cháiligh a náisiún do chomórtas an tsamhraidh, dúirt Amber gur tugadh bratach Dhún na nGall di agus is ansin a ndeachaigh a hintinn ‘ar ais go díreach chuig an rud a bhí tábhachtach’.
‘Déanaim stocaireacht ar gach campa [chun imirt d’Éirinn] ach seo é an chéad champa a d’éist Vera liom.
‘Tá mé an-bhuíoch as an deis sin. Tháinig mé isteach sa champa le gortú beag, bhí Vera ag iarraidh go mbeadh gach duine aclaí don chluiche sin agus ní raibh a fhios agam ag an tús an raibh mé chun a bheith ag imirt.
‘Bhí comhrá an-mhaith ag Vera agus mé féin. Bhí sí an-fhoighneach liom, ag tuiscint … dúirt mé go bhfuilim go maith i gcónaí le haghaidh cúl agus dúirt sí “tá a fhios agat go bhfuil a fhios agam é sin”,’ a dúirt sí le Ryan.
Labhair Amber freisin faoin tionchar a bhí ag an tragóid i gCraoslach uirthi.
‘Ní go dtí go mbíonn aithne agat ar dhaoine as sráidbhailte beaga a thuigeann tú an doimhneacht agus an damáiste a rinneadh.
‘Sheiceáil Vera isteach le cailíní Dhún na nGall ar fad. Bhí sé thar a bheith tábhachtach an suaimhneas a fháil.’
Mhínigh Amber an ceangal speisialta a bhí aici le baile dúchais a seantuismitheoirí nach maireann.
‘Sílim go bhfuil an dara baile agam, taobh amuigh de mo theach i mBaile na nGallóglach (Milford). Chaith mé an chuid is mó de mo óige ann.
‘Bhí mo mhaimeo agus mo dhaideo ann, ba bhreá liom dul síos chun iad a fheiceáil. Chaith mé go leor de mo chuid ama agus óige ann. Bhí caidreamh an-láidir agam le mo sheantuismitheoirí,’ a dúirt Amber.
‘Nuair a thosaigh club CLG Naomh Mícheál ar fhoireann na gcailíní, bhí deis agam dul síos mar thug mo dhaideo ‘wink’ beag don chathaoirleach ag an am.
‘I mBaile na nGallóglach, ní raibh foireann Ghaelach na mban ann.
‘Is dóigh liom go fóill gurbh é ceann de na tráthanna ba bhródúla a bhí ag mo dhaideo nuair a bhí mé ag imirt do Naomh Mícheál.
‘Sin rud a fanann liom, ní hamháin ag smaoineamh ar Craoslach faoi láthair.
‘Tá a fhios agam dá mbeadh mo mhaimeo agus mo dhaideo beo, tá aithne agam ar an stáisiún peitril, b’é sin an stáisiún peitril a ndeachaigh siad chuige chun an pinsean agus na páipéir a fháil.’
Nuair a chuir Ryan ceist uirthi faoin nóiméad a chuala sí faoin tragóid, dúirt Amber: ‘Le linn an champa, tugann Vera lá amháin i gcónaí dár dteaghlaigh teacht isteach. Ní i gcónaí a fhaigheann mamaí agus daidí an deis teacht síos mar gheall ar obair, ach bhí sé seo ar cheann de na deiseanna a bhí siad araon ann liom ar an Aoine.
‘Is cuimhin liom go soiléir an bord a raibh muid inár suí ag… ba é mo dheartháir níos óige a chuir an teachtaireacht isteach sa ghrúpa a rá go raibh pléascadh i gCraoslach.
‘Agus m’athair ina gharda, thosaigh an nuacht ag scagadh go dtí a ghuthán. Tar éis thart ar 20 nóiméad dúirt sé “tá sé seo i bhfad níos tromchúisí ná mar a cheapann muid”.
‘Bhí mo mháthair agus m’athair liom ag an am sin… tá áthas orm go raibh mé leo nuair a fuair mé an nuacht.’
Chuaigh an lucht féachana ar Twitter le moladh a thabhairt d’Éireannach idirnáisiúnta as a macántacht agus a humhal le linn an agallaimh.
Dúirt duine éigin: ‘Tá Amber chomh bródúil as sin agus is cuimhin liom go leor a bheith ag breathnú ar a cuid cainte tar éis an chluiche os comhair na teilifíse sa bhaile i gCraoslach #LateLateShow.
Dúirt duine eile: ‘Is duine chomh huasal í Amber Barrett. Bhí a cúl iontach in aghaidh na hAlban, go háirithe agus meáchan na tíre ar a gualainn ag an am mar bhean Dhún na nGall, ag dul síos sa stair mar cheann de mhórchúil na hÉireann!’
Scríobh duine éigin eile; ‘Caithfidh mé a rá go bhfuil mé ag éirí beagán mothúchánach ag breathnú air seo. Tá sí ag tabhairt go leor den lá sin ar ais. Is laoch í. Tá sí ag cur rudaí níos deasa ná mar a d’fhéadfainn riamh agus ag déanamh ionadaíochta chomh maith sin ar Chraobhlach, Baile na nGallóglach agus Dún na nGall. G’wan… Dún na nGall.’
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
