Tá fear atá 69 bliain d’aois faoi choimeád na nGardaí tar éis sá marfach i dteach i gCathair Chill Chainnigh.
Fógraíodh go raibh an t-íospartach, fear 37 bliain d’aois, marbh ag an teach ag Meadow Way.
Shéalaigh gardaí an láthair agus d’fhan an corp ann thar oíche ar feitheamh scrúdú fóiréinseach iomlán ar an teach Dé Máirt.
Bhí oifig an chróinéara curtha ar an eolas agus táthar ag súil go ndéanfar scrúdú iarbháis nuair a bheidh an corp bainte.
Tá Gardaí i mbun fiosrúcháin ó dhoras go doras sa cheantar, atá ar eastát cónaithe i gceantar na Páirce Nua Íochtarach i gcathair Chill Chainnigh, nach bhfuil i bhfad ó Bhóthar Chaisleán an Chomair.
Gabhadh fear atá 69 bliain d’aois sa cheantar tráthnóna inné agus tá sé á choinneáil lena cheistiú i Stáisiún na nGardaí i gCill Chainnigh.
Is féidir é a cheistiú ar feadh suas le 24 uair faoi alt 4 den Acht um Cheartas Coiriúil.
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
