Mary Kennedy ag dul in aois i mbealach glórach agus ‘sexy’

23/02/2023

Labhair an craoltóir Mary Kennedy faoin saol atá ag daoine atá ag dul anonn sna blianta, mar chuid dá misean an ghlúin níos sine a spreagadh chun glacadh lena bhfuil le tairiscint ag an saol.

Anois trí bliana ar scor ó RTÉ, dúirt sí nach raibh sí sásta ‘dul i léig’, agus gur chuir sí fáilte roimh na línte ar a héadan a insíonn a scéal.

Dúirt sí: ‘Ní mise an cineál duine a bhfuil faitíos ar bhreithlaethanta orm. Is cúis le ceiliúradh é dul in aois. Nuair a rugadh mé, sna 1950idí, ba é an meán-ionchas saoil (life expectancy) ná 66. Is féidir le leanbh inniu a bheith ag súil le maireachtáil go dtí a 80í, ar a laghad.

Mary Kennedy DWTS
Mary Kennedy ar Dancing with the Stars

‘Tá mé 68 bliain d’aois anois, agus mothaím an-ádh a bheith anseo.’

Dúirt Ms Kennedy, a bhí le feiceáil ar Dancing With The Stars in 2020: ‘Bhí am ann nuair a bheifí ag súil go n-imeodh daoine níos sine go ciúin i doiléire. Ghlac mé cur chuige an-difriúil.

‘Cur chuige glórach, fiú sexy.

‘Ní bhraithim go bhfuil mé aosta. Tá mé 68 bliain d’aois, ach ní mhothaím difriúil ón uair a bhí mé deich, 20, 30 bliain níos óige.

Mary Kennedy 1Gael 1168x681 1
Mary Kennedy

‘Tá línte ar m’aghaidh agam, agus beidh níos mó ann amach anseo. Seo iad na línte a thaispeánann an cineál saoil a bhí agam – an gáire ar fad, an imní agus an strus atá ar m’aghaidh.’

Bhí an t-iarchraoltóir nuachta, láithreoir Comórtas Amhrán Eurovision  agus óstach seó comhrá ag labhairt ina clár faisnéise nua – ‘Mary Kennedy: Fad Saoil’, atá anois ar fáil ar TG4 Player – ina scrúdóidh sí an raon leathan tionchair atá ag próiseas an aosaithe ar mhná, ón uaigneas agus imní faoi shláinte fhisiciúil agus mheabhrach go dtí oistéapóróis.

Faigheann sí amach freisin faoi dhul i ngleic le saol an ghnéis sna blianta sinsearacha, agus téann sí i ngleic le haoiseachas (ageism) san ionad oibre.

Dúirt Ms Kennedy go raibh sí ar intinn a piaraí a spreagadh chun glacadh leis an saol agus na rudaí dearfacha a fheiceáil ann.

Comhroinn Anois

You might also like ...

Lean ExtraG.ie

Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.

LÉIGH NÍOS MÓ: SIAMSAÍOCHT

no posts found
© 2021 – 2024 Extra.ie | DMG Media
exit-upcrosschevron-down linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram