Tá póilíní i Los Angeles tar éis fear céile bean tí (housekeeper) an Easpaig David O’Connell a ghabháil i bhfiosrúchán ar dúnmharú an Éireannach.
D’ordaigh Contae Los Angeles bratacha ar fhoirgnimh oifigiúla a bheith ar foluain ag leathchrann mar chomhartha meas ar an Easpag O’Connell.
Scaoileadh marbh an t-Easpag, a bhí 69 bliain d’aois, agus as Brooklodge in aice le Glanmire i gCo. Chorcaí, ina theach i Hacienda Heights i Los Angeles Dé Sathairn.
Dar le Sheriff Robert Luna, as LA County, fuair na póilíní nod ó bhall den phobal a dúirt go raibh Carlos Medina ag gníomhú go neamhghnách agus ag maíomh go raibh airgead dlite aige ón easpag.
Gabhadh an tUasal Medina, atá 65 bliain d’aois, tar éis léigear (siege) sé uair an chloig le póilíní ina theach i gceantar Torrance i Los Angeles.
Fuarthas dhá arm tine i dteach an Uasail Medina agus cuireadh iad le haghaidh tástála fóiréinseach, chun a fháil amach an bhfuil siad nasctha leis an fiosrúchán.
Is í bean an Uasail Medina an bean tí don Easpag O’Connell agus bhí obair déanta ag an Uasal Medina féin ag áit chónaithe an Easpaig.
Theith an tUasal Medina a theach faoin am a tháinig na póilíní chun labhairt leis, ach chuaigh comharsa i dteagmháil le póilíní oíche Dé Domhnaigh chun a rá gur fhill an tUasal Medina.
Chuaigh na póilíní chuig a theach ag 2am ar maidin Dé Luain agus lean léigear go dtí gur tháinig an tUasal Medina amach ag 8.15am ar maidin.
Dúirt Sherrif Luna go bhfuil na sonraí sa chás á gcoinneáil ar ais chun an é a phróiseáil agus cás a thabhairt ina choinne.
Dúirt sé gur tháinig Deagánach (Deacon) na hEaglaise ar an Easpag nuair a chuaigh sé chuig a theach mar go raibh sé déanach do chruinniú. Ba é an Deagánach a ghlaoigh ar na Seirbhísí Éigeandála.
Dúirt Sheriff Luna nach raibh sé ar an eolas faoi aon díospóid a bhain leis an easpag, go raibh líomhaintí faoi dhíospóid airgid ó fhinné amháin, agus go bhfuil daoine eile á gcur faoi agallamh sa chás.
I measc na bhfinnéithe tá bean chéile an Uasail Medina, a ndeirtear go bhfuil sí ag comhoibriú le bleachtairí. Ní raibh sí ag obair i dteach an Easpaig an lá sin.
Dúirt sé nach raibh aon fhianaise ann maidir le hiontráil éigeantach, ach is é bleachtairí a chinnfidh an modh iontrála sa bhaile.
Dúirt sé go mb’fhéidir go raibh caidreamh oibre éigin ann idir Medina agus an tEaspag O’Connell.
D’athraigh na póilíní ag an láthair choire Dé Sathairn píosaí scannáin CCTV ó theach comharsanachta an Easpaig a léirigh go raibh SUV dorcha ag dul isteach i gcosán an Easpaig. Chuaigh fear as an SUV isteach i dteach an Easpaig.
Chonacthas go bhfágfadh an fear tamall gairid ina dhiaidh sin.
Deir na póilíní gur thiomáin Medina SUV dlúth dorcha cosúil leis a cheann sin, agus go raibh an fheithicil sin le feiceáil roimhe seo i dteach an Easpaig.
Bhog an tEaspag O’Connell go dtí na Stáit Aontaithe as Éirinn 45 bliain ó shin.
Bhí paidreacha á rá dó ar fud Deoise Chorcaí agus Ross.
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
