Tugadh ‘The Peacemaker’ ar an tEaspag as Corcaigh, David O’Connell, a scaoileadh marbh i Los Angeles, mar gheall ar a chuid oibre le linn círéibeacha Rodney King.
Rugadh an tEaspag David O’Connell i gCorcaigh agus rinne sé staidéar i gColáiste All Hallows, Baile Átha Cliath.
Thángthas ar a chorp i mbloc 1500 ar Janlu Avenue i Hacienda Heights thart ar 1pm Dé Sathairn, agus tá fiosrúchán dúnmhairithe faoi bun anois.
Dhearbhaigh ráiteas ón Ardeaspag José H Gomez go bhfuair an tEaspag Ó Conaill bás ‘gan choinne,’ ag rá i ráiteas ‘Is turraing (shock) é agus níl aon fhocal agam chun mo bhrón a chur in iúl.’
Dúirt an tAthair Tom Hayes ó Dheoise Chorcaí agus Ros Mhic Thriúin go raibh ionadh agus brón ar shagairt sa deoise nuair a fuaireadar bás an Easpaig Uí Chonaill, de réir tuairisce san Irish Times.
Dúirt sé go raibh cáil ar an Easpag Ó Conaill ina theach uchtaithe mar ‘Peacemaker’ as an ról a bhí aige chun teannas a mhaolú i ndiaidh círéibeacha Rodney King i 1992.
Dúirt sé freisin go raibh sé ina mhinistreacht i Deoise Los Angeles ag obair i measc na ndaoine faoi mhíbhuntáiste agus gur ‘iarr sé go sonrach an mhinistreacht sin’.
‘Dhéanfadh sé go leor oibre san áit a raibh dronganna i réim agus dtugtaí “Peacemaker” air, agus is mar aitheantas ar an obair sin a ordaíodh ina Easpag Cúnta é.
‘Tar éis a ordaithe mar Easpag Cúnta in 2015, d’iarr sé fanacht ag obair leis na daoine faoi mhíbhuntáiste in LA,’ a dúirt an tAthair Hayes.
Dúirt an ráiteas ón Ardeaspag Gomez: ‘Mar shagart agus níos déanaí ina easpag anseo i Los Angeles ar feadh 45 bliain, ba dhuine urnaí domhain (a man of deep prayer) é an tEaspag Dave a raibh grá mór aige dár Máthair Bheannaithe.
‘Síochánaí a bhí ann le croí ar son na mbochtán agus na n-inimirceach, agus bhí dúil aige i bpobal a thógáil ina raibh beannú agus dínit gach beatha daonna á n-urramú agus á gcosaint.
‘Cara maith a bhí ann freisin, agus is brón mór é domsa, agus do daoine eile freisin,’ a dúirt sé. ‘Bígí linn le bhur dtoil ag guí ar son an Easpaig Dave agus ar son a mhuintire in Éirinn.’
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
