Ní bheidh Katie Taylor ag troid i Croker,  a deir tuairisce nua

27/01/2023

Ní i bPáirc an Chrócaigh a bheidh athimirt Katie Taylor in aghaidh Amanda Serrano, de réir tuairisce nua.

Ó tháinig an bheirt le chéile anuraidh, tá dian-idirbheartaíochtaí ar bun chun an bheirt throideoirí is fearr a throid arís, agus bhí an dara cath beartaithe do cheanncheathrú CLG i mBaile Átha Cliath.

Tar éis míonna de chainteanna idir an dá thaobh, bhí an chuma ar an scéal go mbeadh an troid chun tarlú i bPáirc an Chrócaigh, agus chomh luath le Bealtaine.

Katietaylor8 1
30 April 2022; Katie Taylor celebrates victory after her undisputed world lightweight championship fight with Amanda Serrano at Madison Square Garden in New York, USA. Photo by Stephen McCarthy/Sportsfile

Ach cé go bhfuil pleananna fós ag Taylor agus Serrano troid in Éirinn, ní cosúil go mbeidh sé ag an staidiam is mó sa tír.

Dar le BBC NI, is beag seans go dtarlóidh an troid don teideal domhanda idir an bheirt ag Croker.

Bhí Matchroom, tionscnóirí Taylor, i gcainteanna leis an CLG, ag iarraidh teacht ar dáta chun an ionad a úsáid níos déanaí i mbliana.

Creidtear gur chonstaic mhór idir an dá pháirtí, áfach, an costas a bhain le cíos agus an troid a chur ar siúl sa staidiam.

D’fhéadfaí an troid a reáchtáil i Staid Aviva trasna na Life nó taobh istigh den 3Arena.

Tá sé ráite ag an Rialtas go dtacóidh sé go hiomlán leis an troid agus tá súil acu go dtarlóidh sé am éigin i mbliana.

Níor tharla aon imeachtaí móra dornálaíochta in Éirinn ó 2016 i ndiaidh lámhach marfach Óstán an Regency.

Comhroinn Anois

You might also like ...

© 2021 – 2024 Extra.ie | DMG Media
exit-upcrosschevron-down linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram