D’admhaigh Jeremy Clarkson go raibh a cholún in nuachtán an Sun, inar dúirt sé go raibh ‘fuath aige’ do Meghan Markle, ‘náireach’ agus dúirt go raibh ‘an-brón’ air faoi.
Ina cholún, a foilsíodh i mí na Nollag, dúirt sé go raibh brionglóid aige go tiocfaidh an lá nuair a thugtar ar Meghan paráid a dhéanamh trí shráideanna gach baile sa Bhreatain agus na sluaite ag canadh, ‘náire!’ agus ag caith cnapáin eiscréid chuici’.
Ach d’admhaigh sé, tar éis an colún a fhoilsiú, go raibh sé ‘mortified’ agus go raibh ‘gach duine eile freisin’.
Dúirt sé: ‘Níor stop mo ghuthán. Bhí cuid de mo chairde an-dlúth ar buile. Chuaigh fiú m’iníon féin go Instagram chun mé a shéanadh.’
Bhí ITV, a dhéanann a seó Who Wants to be a Millionaire agus Amazon, a dhéanann a seó eile The Grand Tour, are buile freisin, d’admhaigh sé.
I ráiteas fada a postáladh ar líne Dé Luain, dúirt an láithreoir teilifíse gur sheol sé ríomhphost chuig an bPrionsa Harry agus Meghan Lá Nollag chun leithscéal a ghabháil.
‘Ceann de na rudaí aisteacha a thug mé faoi deara le tamall anuas ná, aon uair a iarrtar ar MP nó ar dhuine aitheanta, leithscéal a ghabháil as rud éigin, is cuma cé chomh croíúil nó cé chomh domhain is atá an leithscéal sin, ní leor sin do na daoine a bhí ag iarraidh é ar an gcéad dul síos.
“Mar sin, níl mé chun iarracht a dhéanamh dul i ngleic leis sin, ach tá mé chun mo leithscéal a ghabháil as na rudaí a dúirt mé i gcolún an Sun le déanaí faoi Meghan Markle. Tá brón orm i ndáiríre, ó mo chosa go dtí mo cheann. Seo mise ag cur mo lámha suas. Is mea culpa iomlán é.
‘Go hiondúil, léim an méid a scríobh mé chuig duine éigin eile sula gcuirim ar aghaidh é, ach bhí mé sa bhaile i m’aonar ar an lá cinniúnach sin, agus faoi dheifir. Mar sin nuair a bhí mé críochnaithe, chuir mé ar aghaidh é. Agus ansin, nuair a bhí an colún le feiceáil an lá dár gcionn, phléasc an mianach talún,’ a dúirt Clarkson.
‘Níorbh fhéidir liom an méid a bhí á léamh agam a chreidiúint. Ar ndúirt mé é sin, i ndáiríre? Bhí sé uafásach.
‘Bhí a fhios agam cad a tharla láithreach. Bhí mé ag smaoineamh ar radharc i Games Of Thrones, ach rinne mé dearmad é seo a lua. Mar sin bhí an chuma ar an scéal go raibh mé ag éileamh ar fhoréigean a chur ar cheann Meghan.
‘Bhí an-fhearg orm féin mar sna laethanta conspóideacha sin ar fad ar Top Gear, nuair a cuireadh gach cineál rudaí i mo leith, is fíor-annamh an gnéasachas a bhí ann.’
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
