Tá iar-pheileadóir Éireannach, a d’imir sa Premier League, le tabhairt sa chúirt faoi líomhaintí go raibh sé gafa le roinnt chócaon ar fiú €4,500 é, tar éis tóir Garda (Garda chase).
Gabhadh an t-iar-pheileadóir idirnáisiúnta nuair a líomhnaítear gur theip ar an gcarr a bhí á thiomáint aige stopadh do ghardaí i ndeisceart Bhaile Átha Cliath go moch maidin Dé hAoine.
Leanadh an carr ó Chromghlinn (Crumlin) agus thiomáin sé trí roinnt soilse dearga sular stop sé i gceantar Shéipéal Iosóid (Chapelizod).
D’fhág an tiománaí agus paisinéir fireann an carr agus theith siad ach gabhadh iad tar éis ruaigeadh coise gairid, de réir tuairisc san Irish Independent.
Agus an carr á gcuardach, tháinig gardaí ar cócaon ar luach €4,500 é, san cóifrín miotóg (glove box), dúirt siad.
Gabhadh an bheirt fhear agus tugadh go stáisiún Garda Chroimghlinne iad, áit ar ceistíodh iad ar amhras go raibh drugaí ina seilbh acu chun díola agus soláthair.
Dúirt urlabhraí de chuid an Gharda Síochána: ‘Gabh Gardaí beirt fhear (a bhí ina 30idí) go moch maidin Dé hAoine, 6 Eanáir 2023, maidir le heachtraí a bhain le tiomáint chontúirteach i mBaile Átha Cliath 12.
‘Aisghabhadh méid drugaí ón bhfeithicil ciontaithe freisin.
‘Coinníodh an bheirt fhear i Stáisiún Garda Chromghlinne faoi Alt 4 den Acht um Cheartas Coiriúil, 1984, agus tá siad cúisithe i ndáil leis seo.
‘Tá siad curtha ar bannaí (bail) ó shin agus tá siad le teacht os comhair cúirte níos déanaí.’
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
