Tá Mumhan ‘go hiomlán difriúil’: Tugann Lancaster foláireamh do Laighean roimh an gcluiche mór

22/12/2022

Tá foláireamh tugtha ag cóitseálaí sinsearach Laighean, Stuart Lancaster, go bhfuil foireann ‘difriúil ar fad’ ag Mumhan ón am a raibh iar-cheannaire Johann van Graan i gceannas.

Bhí Van Graan i gceannas nuair a bhí roinnt bua mór le rá ag Laighean orthu, agus tháinig cáineadh láidir air, as a fhealsúnacht ‘box-kicking’.

Mar sin féin, tá cur chuige difriúil glactha ag Mumhan faoi Graham Rowntree leis an gcóitseálaí ionsaithe (attack coach) Mike Prendergast, rud ar chuir Lancaster béim air.

Lancaster
Stuart Lancaster. Pic: ©INPHO/Dave Winter

Imreoidh siad in aghaidh a gcuid sean-naimhde Laighean i bPáirc Thuamhan (Thomond Park) ar Lá Fhéile Stiofáin, i gcluiche a bhfuiltear ag súil go mór leis.

Mhol Lancaster, a chreideann gur cheart do Chúige Mumhan a bheith muiníneach roimh an gcluiche, ‘éabhlóid’ na foirne.

‘Tá an teacht aniar (resilience) agus an diongbháilteacht chosanta acu, agus an t-eagrú ‘set-piece’ a fheiceann tú gach bliain fós acu, ach anois tá níos mó sonraí acu maidir lena gcruth ionsaí,’ a dúirt sé.

‘Tá siad ag obair níos mó as an liathróid agus is féidir leat a fheiceáil go ginearálta cad atá siad ag iarraidh a dhéanamh san ionsaí.

‘Is stíl iomlán difriúil í ó 18 mí ó shin, nach ea? Bhí tú sách cinnte go dtiocfadh cic sa bhosca (box kick) ar dtús mar bheartas imeachta.

‘Cic sa bhosca atá ann anois ach d’fhéadfadh sé a bheith ina mheon le rith chomh maith agus is cinnte go bhfuil éabhlóid ann.

‘Sin é an cineál rud ar labhair muid faoi sa réamhamharc ar an gcluiche, mar bheadh sé naive go leor a bheith ag smaoineamh nach bhfuil siad muiníneach anois – mar ba cheart dóibh a bheith.’

Bhí an bua ag Laighean, 27-13, nuair a bhuail na foirne le chéile níos luaithe an séasúr seo, ach bhí scuad Rowntree laghdaithe mar gheall ar ghortuithe forleathan.

Comhroinn Anois

You might also like ...

© 2021 – 2024 Extra.ie | DMG Media
exit-upcrosschevron-down linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram