Tá réalta Mrs Brown’s Boys, Brendan O’Carroll, tar éis Toy Show The Musical de chuid RTÉ a chosaint ó cháineadh láidir.
Tagann an chosaint seo tar éis do choiste sa Dáil a fhógairt go bhfuil siad ag fiosrú costais an léiriúcháin.
Dúirt O’Carroll, atá 67 bliain d’aois, leis an Irish Daily Mail: ‘Sílim go raibh sé thar a bheith cróga ar RTÉ an seans a thapú ar an Toy Show.’
Dúirt an Dubliner freisin gurb é ‘an rud ba cheart dúinn a bheith ag súil leis ónár gcraoltóir náisiúnta. Rinne siad iarracht na dathanna agus an lúcháir, a mbíonn ar an Late Late Show Toy Show ar an scáileán le blianta fada anuas, a chuir ar fáil do lucht féachana beo’.
Dúirt Brian Stanley TD, cathaoirleach an Choiste um Chuntais Phoiblí (PAC), gur féidir go bhfuil na rioscaí tráchtála a bhaineann le Toy Show The Musical a chur ar siúl, ‘ró-ard’ mar gheall ar ‘suíocháin fholmha [agus] seónna a bheith curtha ar ceal’.
Dúirt sé le Morning Ireland ar RTÉ Raidió 1 go mbeidh an PAC ag iarraidh ar Ard-Stiúrthóir RTÉ, Dee Forbes, eolas a thabhairt dóibh faoi na costais a bhain leis an seó agus an taighde margaidh a rinneadh roimh an léiriúchán.
Nuair a fiafraíodh de O’Carroll cad a cheap sé faoin gcáineadh a rinneadh le déanaí ar chealuithe Toy Show The Musical, dúirt sé: ‘Is iomaí seónna ar Broadway nó ar an West End a raibh a leithéid de chealuithe tinnis orthu.
‘Nuair a tharlaíonn sé seo, ar ndóigh bíonn an lucht féachana aireach faoi thicéid a cheannach ar eagla go dtarlóidh sé arís.
‘Ar an dea-uair, tá go leor seónna iontach siamsúla ar siúl i mBaile Átha Cliath ó panto sa Gaiety go dtí seó June Rogers.’
Dúirt sé: ‘Sílim go raibh sé thar a bheith cróga ar RTÉ an seans a thapú ar an Toy Show. Sin é an rud ba cheart dúinn a bheith ag súil leis ónár gcraoltóir náisiúnta, a rinne iarracht na dathanna agus an lúcháir a thug The Late Late Show Toy Show ar an scáileán le blianta fada anuas, a chuir ar fáil do lucht féachana beo.’
Dúirt an fear grinn freisin ‘dá mbeadh aon chiall ag an Rialtas faoi mheon na Nollag, ba cheart go mbeadh siad ar an gcéad grúpa a mhol iarracht RTÉ na roghanna a leathnú do pháistí na hÉireann’.
Chosain Seanadóir Fhianna Fáil, Malcolm Byrne, an léiriúchán agus dúirt sé gur ceart aon fiosrúchán a bheith ann nuair a bheith an seó críochnaithe.
Dúirt sé: ‘Níl mé chun RTÉ a cháineadh as rud éigin nua a thriail agus is cinnte nach bhfuilim chun iad a cháineadh as seó a chur ar ceal mar go bhfuil aisteoirí tinn, ach sílim go mbeidh sé tábhachtach go mbeidh RTÉ in ann cuntas a thabhairt ar an cinneadh a dhéan siad agus an méid airgid ar chaith siad ar an léiriúchán.’
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
