Tá ceannairí CLG ag diúltú ligean d’fhoireann peile Mhaigh Eo uimhreacha a chaitheamh ar a ngeansaithe i ndathanna tuar ceatha (rainbow), mar thacaíocht do phobal LGBTQ+.
Is ábhar iontais é seasamh láidir Pháirc an Chrócaigh i ndiaidh cáineadh Catar as gan cead a thabhairt do bhannaí láimhe chun tacú le muintir LADT le linn Chorn an Domhain.
Tá cáineadh ó ar fud an domhain mar thoradh ar sheasamh Catar.
Bhí Maigh Eo ag iarraidh an t-athrú a dhéanamh do chluichí na Sraithe Peile Náisiúnta na bliana seo chugainn. Tá siad ag tacú le Mindspace Mhaigh Eo – an charthanacht a fhaigheann tacaíocht ón gcontae.
Cuirfidh Maigh Eo tús leis an mbliain lena mbainisteoir nua Kevin McStay.
Ceadóidh an CLG tacaíocht d’fheachtais éagsúla, agus is dócha go dtacódh siad le himreoirí ag caitheamh lásaí tuar ceatha nó bannaí muinchille, ach deir siad nár cheart cur isteach ar an bhfearas imeartha.
In 2015, dhiúltaigh CLG cead a thabhairt don réiteoir David Gough banna láimhe tuar ceatha a chaitheamh i bPáirc an Chrócaigh roimh an reifreann ar phósadh comhghnéis.
Dúirt urlabhraí: ‘Tá cead ag ball ar bith a thuairimí nó a dtuairimí polaitíochta féin a bheith aige lasmuigh, ach ní hé Páirc an Chrócaigh an áit le gothaí polaitiúla a dhéanamh.’
Chaith imreoirí ó Mhaigh Eo agus ó Thiobraid Árann lásaí tuar ceatha ina gcluiche leathcheannais uile-Éireann in 2020.
Bhí go leor conspóidí ag Corn an Domhain i gCatar ó thús, mar gheall ar an gcaoi ar chaith an náisiún leis an bpobal LGBTQ+, oibrithe inimirceacha agus toisc gur ghlac FIFA le héileamh Catar nár cheart cead a thabhairt do chaptaein foirne na bandaí muinchille ‘OneLove’ agus bratacha Bród a chaitheamh.
Ceadaítear dathanna tuar ceatha ag staidiamaí anois, ach bhí cosc ar lucht leanúna roimhe seo dul isteach i staidiamaí má bhí siad ag caitheamh dathanna tuar ceatha de chineál ar bith.
Sna cluichí tosaigh, chlúdaigh imreoirí na Gearmáine a mbéal le haghaidh a ngrianghraf foirne chun agóid a dhéanamh i gcoinne FIFA ag cur bac ar chaitheamh na mbannaí
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
