Gheall Ian Bailey tacaíocht a thabhairt dá iar-pháirtnéir Jules Thomas ina chás dlí i gcoinne Netflix.
Dúirt an tUasal Bailey, nach bhfuil ina pháirtí sna himeachtaí dlí, go ndearna sé teagmháil lena iar-pháirtnéir chun aon tacaíocht a theastaíonn uaithi a thairiscint.
‘Is aisteach an rud é gur ghlaoigh tú anois, tá mé díreach tar éis téacs a sheoladh chuici ar maidin inniu,’ a dúirt an tUasal Bailey le ExtraG.ie.
‘Ar an gcéad dul síos, tá meas mór agam ar Jules. Sílim go bhfuil sí go hiontach. Sheol mé téacs chuici ag rá, dá mba rud é go bhfuil mionnscríbhinn (affidavit) ag teastáil uaithi chun tacú léi, táim breá sásta é sin a thabhairt di.
‘Má tá mo thacaíocht ag teastáil uaithi nó má tá rud ar bith uaithi uaim, gheobhaidh sí é.’
Tuairiscíodh an tseachtain seo caite go bhfuil Ms Thomas, ealaíontóir tírdhreacha a bhfuil cónaí uirthi sa Scoil, Co Chorcaí, ag cur an dlí ar Netflix mar gheall ar a portráid sa tsraith, Sophie: A Murder In West Cork. Tá sí ag ag cur an dlí freisin ar comhlacht léiriúcháin agus ar an scríbhneoir-stiúrthóir taobh thiar den chlár faisnéise.
Fuarthas corp an léiritheoir scannán Francach Sophie Toscan du Plantier, 39, ag geata a tí iargúlta in aice le Scoil, Oíche Nollag 1996 tar éis di a bheith curtha chun báis go brúidiúil.
Dúirt an tUasal Bailey, atá fós ina chónaí in Iarthar Chorcaí, nach bhfuil freagra faighte aige go fóill ó Jules maidir lena thairiscint gníomhú ar a son.
Ach deir sé nach bhfuil sé ar intinn aige é féin a bheith páirteach in aon dlíthíocht phearsanta, ag rá: ‘Tá an iomarca gníomhaíocht dlí déanta agam san am a chuaigh thart. Tá mo shaol caite á dhéanamh. Is é an plean atá agam ná dul ar aghaidh le mo shaol.’
Dúirt an tUasal Bailey arís agus arís eile nach raibh aon bhaint aige le bás Ms Toscan du Plantier. Ciontaíodh é as an dúnmharú, agus é as láthair, ag cúirt sa Fhrainc i 2019, ach dúirt sé go raibh an cás mar ‘show trial’ a ceapadh chun é a fháil ciontach.
In 2020, rialaigh an Ard-Chúirt nach bhféadfaí an tUasal Bailey a eiseachadadh (extradite) go dtí an Fhrainc. Ba é seo an tríú huair a rinne údaráis na Fraince iarracht é a eiseachadadh, agus theip orthu.
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
