D’admhaigh Johnny Sexton go raibh sé ‘gutted’ gan a bheith in ann páirt a glacadh sa cluiche in aghaidh na hAstráile. Bhí an lámh in uachtar ag Éire sa chluiche sin, ach bhí gortú colpa (calf) aige tar éis an réamhaclaíocht (warm-up).
Ní bhfuair laoch an rugbaí deis imirt, agus fuair Jack Crowley deis a bheith sa 15 a thosaigh den chéad uair, agus bogadh Ross Byrne chuig an mbinse.
D’imir Crowley a pháirt sa bhua, agus ba é Byrne a chiceáil an cic éirice tábhachtach, ó uillinn dheacair, gan ach cúpla nóiméad fágtha, rud a rinne an difríocht.
Mhothaigh Sexton go raibh fadhb lena ghortú le linn rith an chaptaen oíche Dé hAoine seo caite, áfach, cheap sé go raibh an fhadhb réitithe aige sula ndeachaigh sé isteach sa chluiche Dé Sathairn.
‘Bhraith mé b’fhéidir rud éigin beag i rith an chaptaen, agus bhraith mé go raibh sé níos doichte beagán, ach d’oibrigh mé leis an bhfisios oíche Dé hAoine agus bhí an chuma air go raibh sé níos fearr,’ a dúirt sé.
‘Bhraith mé go hiontach agus mé ag dul amach ar an bpáirc Dé Sathairn. Agus ansin ghlac mé céim siar ar bhealach deacair, nuair a bhí mé ag dul ar ais le haghaidh liathróid ard, agus bhraith mé go raibh rud éigin mícheart.
‘Rinne mé rith gearr le fáil amach an ndéanfadh sin deisiú air, ach ní rinne.
‘Tá súil agam nach mbeidh mé amuigh ró-fhada. Is dóigh liom go mbeadh sé i bhfad níos measa ach gur éirigh mé as.
‘Sea, bhí mé ‘gutted’ nuair a bhí orm imeacht.’
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
