Le cabhair ó Údarás na Gaeltachta, tá comhlachtaí nua ó cheantair Ghaeltachta ag taispeáint a ngnóthaí éagsúla ag ócáid chun mná fiontraithe a cheiliúradh.
Tá sé seo mar chuid de thionscnamh leanúnach ó Údarás na Gaeltachta chun nuálaíocht (innovation) a spreagadh agus chun tacú leo siúd a sholáthraíonn táirgí agus seirbhísí nua.
Ag ócáid sna Forbacha, i nGaillimh, labhair rannpháirtithe faoin gcéad chlár Cumasú faoina gcomhlachtaí, agus faoin tionchar a bheadh ag cúrsa meantóireachta (mentoring) 12 seachtaine ar a ngnóthaí.
Is as ceantair Ghaeltachta i nGaillimh agus Maigh Eo a thagann iad siúd a ghlacann páirt ann.
Ina measc, bhí Elaine Dunne, a bhunaigh gnó boscaí bronntanais tar éis breith a céad linbh ag tús na paindéime.
Mheabhraigh sí, mar gheall ar na srianta cuairte a bhí i bhfeidhm, gur phostáil daoine bronntanais agus cártaí chuici féin agus dá hiníon.
Dúirt Ms Dunne gur spreag an t-áthas a fuair sí as beart a fháil sa phost í chun scrúdú a dhéanamh ar an gcaoi a bhféadfaí ceardaíocht Éireannach agus táirgí féinchúraim a chur ar an margadh ar líne.
Mar thoradh air sin bunaíodh Gifts Le Grá, a bhainistíonn sí óna teach, chomh maith lena bheith ag tabhairt aire dá leanaí.
Dúirt Ms Dunne , arb as Muineachán í, gur thug an cúrsa, a reáchtáladh i gcomhar le hOllscoil Teicneolaíochta an Atlantaigh (Atlantic Technological University), creidiúint agus muinín di go bhféadfadh a gnó forbairt agus fás.
Labhair sí freisin ar an gcairdeas idir na rannpháirtithe baineanna, a bhfuil dlúthchairdeas forbartha acu le trí mhí anuas.
Dúirt Ceann Fiontraíochta agus Fostaíochta (Head of Enterprise and Employment) le hÚdarás na Gaeltachta Sinéad Ní Fhátharta go raibh buntáistí iomadúla ag baint le gach ceann de na gnólachtaí nuathionscanta (start-ups).
Chomh maith le foinsí ioncaim a chur ar fáil, leathnaíonn siad chun muintir na háite a fhostú agus léiríonn siad do dhaoine eile i gceantair Ghaeltachta nach bhfuil aon teorainn lena dtairiscintí gnó.
Dúirt an Ms Ní Fhátharta go raibh meascán de chleachtais athraithe mar thoradh ar an Covid-19 agus struchtúir fostaíochta níos solúbtha ag cur le tarraingteacht na tuaithe in Éirinn mar áit chónaithe agus oibre.
Dúirt sí go raibh an clár Cumasú mar chuid thábhachtach den iarracht chun tacú le fiontraíocht ban.
Tá sé beartaithe ag an ngníomhaireacht Stáit an tionscnamh meantóireachta agus cóitseála a leathnú go ceantair Ghaeltachta eile sna míonna amach romhainn.
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
