Meastar gur léiriú é sin go n-ardóidh táillí aeir do Ryanair agus d’aerlínte eile níos mó fós an samhradh seo.
Tá scaireanna na haerlíne tite 5.44% le cúig lá anuas, agus titim shuntasach ann Dé Céadaoin.
Tá titim 3.55% feicthe ag scaireanna Ryanair le sé mhí anuas freisin, mar aon le titim ollmhór 18.99% ó thús na bliana seo.
Mar gheall ar an nganntanas breosla scairdeitleáin, atá ag forbairt ó rinne na Stáit Aontaithe agus Iosrael ionsaí ar an Iaráin i mí Feabhra, tá eitiltí gearrtha agus táillí ag ardú ar fud na cruinne.
Mar gheall ar an ardú i bpraghas breosla scairdeitleáin, tá roinnt aerlínte Eorpacha tar éis eitiltí a chealú agus bealaí áirithe a stopadh go hiomlán.
An tseachtain seo caite, thug an Ghníomhaireacht Idirnáisiúnta Fuinnimh (International Energy Agency) rabhadh go bhfuil sé seachtaine de bhreosla scairdeitleáin fágtha ag an Eoraip.
Tá thart ar 80% dá bhreosla ceannaithe roimh ré ag Ryanair go dtí Márta 2027, rud a d’fhéadfadh é a chosaint ó ardú praghsanna.
Mar sin féin, thug ceannaire Ryanair Michael O’Leary rabhadh roimhe seo, dá leanfadh an cogadh ar aghaidh níos faide ná lár nó deireadh mhí Aibreáin, go mbeadh ‘riosca réasúnta’ ann go bhféadfadh tionchar a bheith aige ar sholáthairtí.
Agus táimid ag druidim le deireadh mhí Aibreáin faoi láthair.
Seachas an ghéarchéim breosla, d’fhéadfadh moilleanna san aerfort a chur iallach ar an aerlíne bealaí a tharraingt siar go hiomlán ó cheann scríbe saoire coitianta.
Tá Málta i measc roinnt ceann scríbe Eorpacha a chuir Córas Iontrála/Imeachta (EES) nua an AE i bhfeidhm le déanaí, a thugann isteach seiceálacha bithmhéadracha (biometric) do thaistealaithe nach bhfuil ón AE.
Mar sin féin, tá fadhbanna ag baint leis an gcóras cheana féin, le tuairiscí ar scuainí fada agus paisinéirí fágtha ag fanacht ar feadh tréimhsí fada tar éis tuirlingthe.
I gcás amháin, tuairiscíodh go raibh taistealaithe sáinnithe ar an tarmac ar feadh thart ar 20 nóiméad mar gheall ar phlódú taobh istigh den chríochfort.
Cé nár thuairiscigh Ryanair cur isteach mór ag Aerfort Mhálta, tá imní ag méadú faoi na rudaí a d’fhéadfadh tarlú de réir mar a mhéadaíonn líon na bpaisinéirí.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
